Facebook Twitter Vimeo Instagram Youtube

Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño.  Exposicións, festivais de música e cine, feiras, … fan que a cultura teña en Tui un valor excepcional.

O próximo luns ás 13 no Teatro Municipal terá lugar a entrega dos Premios Cidade de Tui 2021

Undefined

O próximo luns, 12 de abril, ás 13 h no Teatro Municipal de Tui terá lugar a Gala de entrega dos premios Cidade de Tui. Creáronse este ano co obxectivo de recoñecer anualmente aquelas personalidades ou entidades que pola súa dilatada traxectoria teñen contribuído á promoción e potenciación da nosa cidade.

Nesta primeira edición, correspondente ao ano 2021, o xurado designado pola Xunta de Goberno Local tudense acordou conceder os seguintes premios:

Mañá ás 19 h inaugúrase a exposición “Estampas anagrámicas”

Undefined

Mañá mércores, 7 de abril, comeza a programación cultural de San Telmo.

Ás 19 h na Sala de Exposicións Municipal, na Área Panorámica, inaugúrase a exposición “Estampas anagrámicas de Rafael García Sánchez”. Recupérase así esta mostra que formou parte das festas de San Telmo de 1934. A inauguración correrá a cargo do alcalde, Enrique Cabaleiro, xunto aos membros da corporación municipal.

A programación prevista comezará previamente, ás 17 h ,no Paseo da Corredoira co primeiro pase do pasarrúas que realizará Asacocirco co espectáculo “De Frac”. Volverá actuar ás 19 h.

Exposición "Estampas Anagrámicas"

Do 7 de abril ao 15 de maio pode visitarse na Sala Municipal na Área Panorámica a exposición "Estampas Anagrámicas" do ilustrador tudense Rafael García Sánchez. 

Son 72 láminas coa orixinalidade que cada debuxo, dedicado a unha persoa ou lugar, está realizado combinando as letras da cada palabra, pero asombrosamente esa combinación de letras logra reproducir ou a cara do personaxe ou o símbolo que identifica a cada lugar. Hai unha mestura de sinxeleza, de calidade no trazo e de modernidade logrando unhas imaxes que anticipan as técnicas de deseño contemporáneo.

A exposición “Estampas Anagrámicas” do tudense Rafael García Sánchez poderase visitar de novo en San Telmo despois de 87 anos

Undefined

“Estampas anagrámicas” é o título da exposición do tudense Rafael García Sánchez que dende este mércores, 7 de abril e até o 15 de maio, ser´poderá visitar na Sala Municipal de Exposicións do Concello de Tui.  Unha das peculiaridades desta mostra é que volve a exhibirse en Tui logo de 87 anos, pois o autor achegara esta colección para unha exposición celebrada no Casino tudense no ano 1934, ano no que se celebraron as festas de San Telmo no mes de xuño.

O luns de San Telmo entregaranse os Premios Cidade de Tui a Silverio Rivas, a Alberto Estévez Piña e á Residencia San Telmo

Undefined

O Concello de Tui presentou esta mañá o programa de actividades de San Telmo a celebrar dende o mércores 7 de abril até o luns 12 de abril, festividade de San Telmo e festivo local en Tui.. 
O alcalde, Enrique Cabaleiro, e a concelleira de Cultura, Sonsoles Vicente, foron os encargados de dar a coñecer a programación elaborada. 

Exposición conmemorativa 135 anos da vella Ponte Internacional

Até o 4 de abril pode visitarse na Sala de Exposicións Municipal na Área Panorámica a exposición conmemorativa do 135 aniversario da vella Ponte Internacional Tui-Valença. A  mostra achega información sobre esta histórica infraestrutura que supuxo un antes e un despois nas comunicacións, non só entre Tui e Valença, senón entre Galicia e Portugal.  A exposición, que recupera material dunha anterior exposición,  realiza un percorrido polo proceso de deseño e construción da Ponte Internacional sobre o río Miño. Tamén se amosa unha maqueta da ponte unindo as dúas cidades integran a mostra.

MUMi

O MUMi - Músicas no Minho terá lugar nos días 9, 10 e 11 de setembro de 2021 na Eurocidade Tui - Valença, mantendo as condicións para que as oportunidades e boas prácticas entre o sector da música en Portugal e Galicia se concreticen.

Visita institucional á exposición “135 anos da Ponte Internacional sobre o río Miño”

Undefined

Este xoves 25 de marzo, ás 12.00 horas na Sala de Exposicións Municipal na Área Panorámica, o alcalde de Tui, Enrique Cabaleiro, realizará unha visita institucional xuntamente co presidente da Cámara Municipal de Valença, Manuel Rodríguez Lopes, á exposición “135 anos da Ponte Internacional sobre o río Miño” no aniversario da inauguración en 1886 desta ponte internacional.

Páxinas

Subscribirse a RSS - Cultura