Facebook Twitter Vimeo Instagram Youtube

Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño.  Exposicións, festivais de música e cine, feiras, … fan que a cultura teña en Tui un valor excepcional.

Mañá preséntase a programación Cultural de Inverno no Teatro Municipal

Undefined

Mañá venres, 26 de xaneiro, ás 11 h terá lugar no salón de sesión da casa do concello de Tui a presentación da programación cultural de inverno a celebrar no Teatro Municipal entre o 4 e o 24 de marzo.

Comparecerán ante os medios de comunicación o alcalde, Enrique Cabaleiro, a concelleira de Cultura, Sonsoles Vicente, xunto a Elisa Alfaya e Ian Hamilton de 2 Mind Combined, e Laura Villaverde e Roi Fernández de Artesa Cía. que abrirán e pecharán, respectivamente, esta programación.

Artesa Cía. con "Illas desertas"

O Teatro Municipal de Tui acolle a estrea de “Illas desertas” de Artesa Cía. Será en dobre función o martes 23 e o mércores 24 de marzo ás 19.30 h, cunha capacidade limitada a 50 persoas por día.

A obra está escrita e dirixida por Artesa Cía con textos de SebastIán Álvaro. Sobre o escenario estarán Laura Villaverde, Roi Fernández, Héctor Pazos e Susana Méndez. Contan coa colaboración tecnolóxica de Fura dels Baus.

“Illas Desertas. Toda a obra está bañada pola súa transmisión cultural, polo seu camiño vital cara á utilidade desas cousas inútiles.

Cinema "A galiña Turuleca"

A famosa galiña da canción dos pallasos da tele chega á gran pantalla nun filme de produción española e arxentina con Gloriamundi Producciones. Víctor Monigote e Eduardo Gondell dirixen esta película que se proxectará o xoves, 18 de marzo, ás 18.30 h no Teatro Municipal.

Turuleca é unha galiña singular no galiñeiro. Pero un día unha exprofesora de música levaa a vivir a súa casa, e descobre o seu gran talento, fala e canta. Ese talento permítelle superar os seus medos, e iniciar unha aventura na que atopar o seu lugar no mundo.

Baobab Teatro con "O lobo e a lúa"

Baobab Teatro volve ao Teatro Municipal de Tui co seu espectáculo “O lobo e a lúa”. Será o xoves, 11 de marzo, ás 18.30 h.

“O lobo e a lúa” é unha peza teatral tenra, divertida e intrigante onde os seus personaxes conviven a pesar das súas diferenzas. Un espectáculo que transcorre sempre de noite, á luz da Lúa. Unha historia de amizade, superación dos propios medos e de amor. O lobo quere falar coa lúa pero non o consegue porque está moi lonxe. Berra para facerse escoitar, pero cos seus grito non deixa durmir a ninguén no Prado Azul.

2 Mind Combined con “Maxia sen trucos”

Maxia e ilusionismo abren a programación cultural de inverno no Teatro Municipal de Tui. 2 Mind Combined presenta “Maxia sen trucos” o xoves, 4 de marzo, ás 18.30 h.

Ian Hamilton e Elisa Alfaya achegan un fermoso espectáculo cheo de corido e ilusión no que mesturan maxia e sombras chinescas creando un mundo imaxinario onde todo é posible.

Duración: 50 minutos

Prezos: 4€ e 3€.

Venda de entradas dende o luns 1 de marzo até o xoves 4 ás 17.30 h

Poemas no Día de Rosalía

Undefined

Co gallo do Día de Rosalía esta mañá tivo lugar o recitado de poemas rosalianos a cargo de persoas recoñecidas da vida social tudense na Radio Municipal de Tui e compartidos nas redes sociais municipais.

Esta actividade, coordinada pola Biblioteca Municipal de Tui, contoucoa participación de:

  • Enrique Cabaleiro, alcalde de Tui
  • Teresa Domínguez, pedagoga
  • Conchi Regueiro, escritora
  • Xosé María Lores, profesor
  • Samuel Diz, músico
  • Tomás Camacho, músico

 

O Concello de Tui celebra o Día de Rosalía co recitado de poemas rosalianos a través da Radio Municipal

Undefined

O Concello de Tui súmase, ao longo destes días, á celebración do “Día de Rosalía” na xornada do mércores 24 de febreiro. Entre as actividades a desenvolver ao longo está o recitado de poemas rosalianos a cargo de persoas recoñecidas da vida social tudense que serán emitidos pola Radio Municipal de Tui mañá mércores 24.

Esta actividade, coordinada pola Biblioteca Municipal de Tui, contará coa participación de:

Tui acolle a exposición “Jewish Journeys / Viaxes Xudías” da Biblioteca Nacional De Israel

Undefined

Até o 26 de marzo pode visitarse na Sala de Exposicións Municipal a mostra “Jewish Journeys / Viaxes Xudías”. A mostra foi deseñada e doada pola Biblioteca Nacional de Israel á Red de Juderias de España con motivo das Xornadas de Cultura Xudía 2020. A través de paneis informativos e fotografías cóbrense as diferentes motivacións ás que se enfronta o ser humano ao facer unha viaxe. 

O Concello de Tui súmase este 24 de febreiro á celebración do "Día de Rosalía" con diversas iniciativas en lembranza da nosa poeta máis universal

Undefined

A Concellería de Cultura do Concello de Tui promove a conmemoración o vindeiro 24 de febreiro do “Día de Rosalía” en que se conmemora o 184 aniversario do nacemento da escritora máis representativa e reivindicativa de Galicia, Rosalía de Castro, pola súa defensa do pobo e da lingua.  

Páxinas

Subscribirse a RSS - Cultura