Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Mañá venres, 25 de xuño, ás 11.30 horas, no salón de plenos da casa do Concello de Tui, realizarase a presentación do I Festival da Cultura Tradicional e Folk. Este evento, organizado pola da Asociación Cultural Deportiva Recreativa Xuvenil San Telmo, se celebrará do 1 ao 4 de xullo.
O venres, 25 de xuño, ás 20 h na praza de Frómista, fronte ao Teatro Prinicipal, o Concello de Tui, a través da concellaría de Cultura, conmemorará o CXXX aniversario dos Xogos Florais de Galicia, que tiveron lugar do 24 ao 26 de xuño do ano 1891en Tui.
Será cun recital poético titulado “Xela Arias no século XXI”. Un recital que reunirá as compañeiras de xeración da escritora galega a quen estivo dedicado este ano o Día das Letras Galegas. O acto estará presentado pola escritora Susana Trigo e contará coa presenza de Ana Romaní, Cristal Méndez, Marga do Val e María Xosé Queizán.
O Concello de Tui, a través da súa concellaría de cultura, conmemorará esta semana o CXXX aniversario da celebración na nosa cidade dos Xogos Florais de Galicia, que tiveron lugar do 24 ao 26 de xuño do ano 1891 e que marcaron un singular fito na historia de Galicia, ao ser o primeiro acto público celebrado integramente na nosa lingua.
Este venres, 18 de xullo, ás 20.15 h no Palco da Música do Paseo da Corredoira actuará o alumnado do grupo de clarinetes do Conservatorio Profesional e da Escola de Música de Tui, dirixidos polo profesor Esteban Alonso Ubiña. Con diferentes formación, tríos, cuartetos, sextetos e ata nove intérpretes, ofrecerán composición de música clásica, pop, BSO, jazz e música galega.
Mañá venres, 11 de xuño, ás 19.30 h na no Paseo da Corredoira, na zona do Palco da Música, terá lugar o segundo concerto do alumnado e profesorado do Conservatorio Profesional e da Escola de Música de Tui dentro do ciclo de concerto na rúa previstos neste mes de xuño e na primeira quincena de xullo. Colabora nesta iniciativa a concellería de Cultura do Concello de Tui.
O Consello Internacional de Arquivos (ICA) promove anualmente a celebración do Día Internacional dos Arquivos o 9 de xuño, con ocasión da devandita celebración, do luns 7 ao venres 11 de xuño, ten lugar a terceira Semana Internacional dos Arquivos, cuxo lema central achegado polo Consello Internacional de Arquivos (ICA) é: Empoderar os Arquivos, convidando aos centros arquivísticos a realizar actividades ao longo desa semana coa finalidade de dar a coñecer pola cidadanía a documentación que conservan estes centros e como se traballa nos mesmos.
O venres, 11 de xuño, ás 12 h terá lugar unha visita guiada ao Arquivo Municipal de Tui. Con esta actividade o arquivo tudense súmase ás conmemoracións da Semana Internacional dos Arquivos, que este ano se celebra co lema "Empederar aos arquivos".
Na visita guiada os participantes poderán coñecer as instalacións do arquivo, situadas na casa do concello, e unha escolla dos seus fondos.
O Concello de Tui celebra o Día Mundial de Medio Ambiente, que ten lugar mañá 5 de xuño, cun programa de actividades que comezou hoxe venres e se vai desenvolver até o sábado 19 deste mes. No mesmo colaboran as concellerías de Medio Ambiente e de Cultura e Educación.
Por unha parte nos colexios do municipio realízase o obradoiro escolar “Xardín Infinito” consistente en construír un sistema illado simulando un ecosistema en miniatura para observar o proceso da fotosíntese, respiración e ciclos da auga.
Hai moitas formas de ver o mar e todas elas teñen presenza na literatura galega aínda que con formas desiguais. Esta é unha das ideas que se abordaron no Parladoiro “Galicia navegante no imaxinario literario” que se desenvolveu esta tarde en Tui da man dos escritores Víctor Freixanes e Pemón Bouzas, con Ramón Nicolás como moderador. A cita era unha da actividades complementarias da exposición “Inventio mundi” que se pode ver nesta mesma localidade ata o 9 de xuño e que documenta unha parte descoñecida da historia da navegación galega.
A música soará nas rúas de Tui os venres do mes de xuño e na primeira quincena de xullo da man do alumnado e profesorado do Conservatorio Profesional e da Escola de Música de Tui co apoio da concellería de Cultura do Concello de Tui.
Con concertos e actividades, a realizar en horario de tarde, amosarán á poboación os froitos do traballo realizado ao longo deste curso 2020/21, que estivo marcado polas restricións derivadas da pandemia da covid 19.
