Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.
As rúas de entrada ao conxunto histórico de Tui, concretamente a rúa Sanz e un treito da rúa Seixas locen dende hai varios días diversas bandeirolas co obxectivo de dar a benvida aos peregrinos que chegan ata Tui polo Camiño Portugués. Foron instaladas pola Xunta de Galicia, coa colaboración do Concello de Tui.
Durante o mes de xullo na Oficina Municipal de Turismo do Concello de Tui atendéronse a 8.684 persoas que demandaron información turística sobre a localidade e a contorna, e sobre o Camiño de Santiago.
Así do total de consultas recibidas 6.638 foron realizadas por turistas e 2.046 por peregrinos. Do 22 ao 31 de xullo foi cando se rexistrou a maior afluencia de persoas a este punto de información turística con 3.564 consultas, unha cifra que duplica a da semana do 8 ao 14 de xullo cando 1.569 persoas se achegaron até a Oficina de Turismo na praza de San Fernando.
Até o 31 de agosto pódese visitar no cárcere vello de Tui, na rúa Sanz, unha Mostra de Traxes Tradicionais organizada pola Asociación Cultural, Xuvenil e Recreativa San Telmo, coa colaboración do Concello de Tui.
Na mesma pódense admirar distintas pezas, algunhas orixinais e outras réplicas, da vestimenta tradicional de distintas zonas de Galicia nos últimos séculos.
A exposición abre de luns a sábado 10 a 13 h e de 17 a 20 h.
De forma paralela os venres dia 13, 20 e 27 de agosto ás 19 h haberá obradoiros musicais.
O cárcere vello de Tui, na rúa Sanz, acolle ao longo deste mes de agosto unha Mostra de Traxes Tradicionais organizada pola Asociación Cultural, Xuvenil e Recreativa San Telmo, coa colaboración do Concello de Tui.
Na mesma pódense admirar distintas pezas, algunhas orixinais e outras réplicas, da vestimenta tradicional de distintas zonas de Galicia nos últimos séculos.
A exposición abre de luns a sábado 10 a 13 h e de 17 a 20 h.
De forma paralela os venres dia 13, 20 e 27 de agosto ás 19 h haberá obradoiros musicais.
Dende mañá mércores, 3 de agosto, poderá volver visitarse o Museo Diocesano de Tui, en horario de 11 a 14 h e de 18 a 20 h de luns a venres. O donativo para a entrada é dun euro. Será grazas ao acordo acadado entre o Concello de Tui e o Bispado da Diocese de Tui-Vigo.
O Museo Diocesano, situado no antigo Hospital de Pobres e Peregrinos, na praza do Concello, custodia valiosas pezas do patrimonio tanto de Tui coma da comarca do Baixo Miño.
Mañá venres, 30 de xullo, ás 12 h no Pórtico da Catedral de Tui terá lugar a presentación da V Feira do Peregrino que se vai celebrar na cidade o sábado 4 e o domingo 5 de setembro.
A feira está organizada por ACITUI, Asociación de Comerciantes e Industriais de Tui, a Asociación Amigos do Camiño de Santiago de Tui, e a Asociación Turismo Cidade de Tui , coa colaboración do Concello de Tui, a Deputación de Pontevedra, a Xunta de Galicia, Iacobus e AGACS.
Tui, coma membro da Red de Juderias de España, foi unha das cidades participantes no encontro entre as redes de xuderías de España e Portugal que na fin de semana se celebrou na localidade portuguesa de Castelo de Vide.
Tui e Valença son a porta do Camiño Portugués a Santiago. Ao longo dos século esta vía peregrinación foi deixando a súa pegada na Eurocidade. O Roteiro Turístico Dixital da Eurocidade forma parte do proxecto Unicidade, co-financiado polo programa Interreg V-A, Espanha-Portugal, 2014-2020.
Hoxe partiron dende Tui cara Toquio os membros da selección uruguaia de Remo que estiveron concentrados na cidade dende o pasado 12 de xuño. En concreto participarán nos Xogos Olímpicos Bruno Cetraro, que será o abandeirado da delegación uruguaia, e Felipe Kluver, xunto ao adestrador Osvaldo Borchi.
Hoxe, martes, 13 de xullo, ás 20.30 h será inaugurada a exposición “Via Lusitana. O espazo xacobeo no Norte de Portugal e Galicia”. Está organizada pola Xunta de Galicia no marco das actividades do Ano Xacobeo 2021-2022, e conta nesta ocasión coa colaboración do Concello de Tui.
O acto contará coa presenza de representantes do Concello de Tui e de Turismo da Xunta de Galicia.
