Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.
O Concello de Tui estará mañá presente en FITUR, a Feira Internacional de Turismo, que se celebrará en Madrid do 23 ao 27 deste mes, representado polo alcalde e responsable de Turismo, Carlos Vázquez Padín.
Vinte persoas en situación de desemprego participan dende hoxe no obradoiro Percorre Tui 2018, no que tras nove meses de formación mellorarán a súa empregabilidade. Impártese no Centro de Formación en Guillarei con dúas especialidades “Promoción turística local e información ao visitante” e “Confección e publicación de páxinas web”. Integran o obradoiro un director, unha titora, un docente por especialidade e unha auxiliar administrativo xunto a vinte alumnos e alumnas. O obradoiro conta cunha achega de 288.807€ concedidos pola Consellería de Economía, Emprego e Industria.
Vinte persoas en situación de desemprego participan dende hoxe no obradoiro Percorre Tui 2018, no que tras nove meses de formación mellorarán a súa empregabilidade. Impártese no Centro de Formación en Guillarei con dúas especialidades “Promoción turística local e información ao visitante” e “Confección e publicación de páxinas web”. Integran o obradoiro un director, unha titora, un docente por especialidade e unha auxiliar administrativo xunto a vinte alumnos e alumnas. O obradoiro conta cunha achega de 288.807€ concedidos pola Consellería de Economía, Emprego e Industria.
Hoxe terá lugar a segunda das tres visitas ao conxunto histórico de Tui baixo o título “Coñece Tui co seu alcalde”.
Partirá ás 20.30h dende a praza da Inmaculada para realizar un percorrido, guiado polo alcalde, Carlos Vázquez Padín, pola rúa Tide, tunel das Clarisas, praza do Concello, praza da Misericordia, rúa Entrefornos, rúa Sanz, praza de San Fernando, rúa Seixas, Porta da Pía, rúa Ordóñez e Paseo da Corredoira.
“Coñece Tui co seu alcalde” é o título das tres visitas guiadas ao conxunto histórico de Tui que se van celebrar este domingo 12 de agosto, o luns 13 e o martes 14 guiadas polo alcalde e responsable de Turismo, Carlos Vázquez Padín.
Trátase dun percorrido dunha hora aproximadamente que partirá ás 20.30h dende a Praza da Inmaculada. O domingo realizarase en galego, o luns en castelán e o martes en inglés. O alcalde conducirá aos asistentes polas rúas da cidade histórica.
Durante os meses de xuño e xullo pasaron pola Oficina Municipal de Turismo de Tui 19.467 persoas demandando información. Foron 3.392 persoas máis que no mesmo período do ano pasado cando se achegaran ata os puntos de información 16.075 turistas e peregrinos.
Durante o mes de xullo na Oficinal Municipal de Turismo rexistráronse 7.684 turistas e 4.393 peregrinos. O día de maior afluencia foi o sábado 21 de xullo cando se realizaron 960 consultas, seguido do martes 24 de xullo con 833.
O alcalde, Carlos Vázquez Padín, vén de remodelar as delegacións da alcaldía logo de que o concelleiro Andrés Urseira, por incompatibilidade laboral e de mutuo acordo co resto do equipo de goberno, deixará dúas das delegación que viña ocupando, como son as áreas de Deportes e Turismo. Porén seguirá ao fronte da Eurocidade e as Relacións Supramunicipais coma viña facendo dende o pasado mes de outubro.
Tui será o punto de partida do proxecto de Peregrinaxe a Remo que esta tarde foi presentado na casa do concello polo alcalde de Tui, Carlos Vázquez Padín, o concelleiro de Deportes, Andrés Urseira, o promotor do proxecto Rodrigo Arbones, o deseñador de barcos en kit, Alec Jordan, xunto a representantes dos clubs de Remo de Tui, Bueu e Cangas.
Esta fin de semana terán lugar os dous últimos percorridos das visitas culturais organizadas polo Concello de Tui e nas que dende o pasado mes de xuño teñen participado máis de 4 mil persoas.
O venres 15, ás 19.15h, dende a praza da Inmaculada sairá a visita a “Cidade Histórica”, que brindará de novo a posibilidade de achegarse á evolución da cidade ao longo de 800 anos dende o urbanismo medieval, que marca o aspecto actual da cidade.
Once visitas xerais sobre historia e patrimonio e outras máis temáticas centran o programa de visitas culturais gratuítas que organiza o Concello de Tui para o mes de decembro.
A primeira visita será hoxe mesmo, 1 de decembro, ás 19.15h, dende a Praza da Inmaculada co título a “Cidade Histórica”. Na mesma abordarase a evolución da cidade ao longo de 800 anos dende o urbanismo medieval, que marca o aspecto actual da cidade.
