Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Mañá sábado, 7 de xullo, ás 20.30h será inaugurada na Sala de Exposicións Municipal, na Área Panorámica, a exposición “Azulejo português. Diálogos contemporâneos”, froito da colaboración entre o Camões. Instituto da Cooperação e a Língua con sede en Vigo e a Concellería de Cultura.
A Sala de Exposicións Municipal, na Área Panorámica, acolle do 7 ao 31 de xullo a mostra “Azulejo português. Diálogos contemporâneos”, froito da colaboración entre o Camões. Instituto da Cooperação e a Língua con sede en Vigo e a Concellería de Cultura do Concello de Tui.
Esta mostra enmárcase nas actividades organizadas para conmemorar o aniversario do Pacto de Tui.
Pode visitarse de luns a venres de 9.25 h a 13.20 h e de 15.25 h a 20.10 h e os sábados de 9.25h a 13.20 h.
Onte á mañá visitaron Tui un grupo de académicos interesados na potenciación dunha ruta xudía no territorio transfronteirizo que abranguería Porto, Tui, Ribadavia, Chaves e Bragança.
Mañá venres, 29 de xuño, ás 11h na sala de reunións da casa do concello de Tui terá lugar a presentación da III Feira do Peregrino organizada por ACITUI, a Asociación de Comerciantes e Industriais de Tui, coa colaboración do Concello de Tui.
Participarán na presentación o alcalde, Carlos Vázquez Padín, os concelleiros de Comercio e Cultura, Yovana Velázquez e Eduardo Freiría, respectivamente, e o presidente de ACITUI, Juan Carlos Blanco.
Como se comentara meses atrás, o goberno municipal de Tui aposta pola celebración do Pacto de Tui, unha festa que pon en valor a rica historia medieval da cidade vinculándoa á firma deste tratado que tivo lugar o 4 de xullo de 1137.
O 4 de xullo de 1137 tivo lugar a sinatura do Pacto de Tui, un tratado de amizade entre o rei leonés Alfonso VI e o infante portugués Afonso Henriques no que se estableceu con claridade a formación da fronteira política no río Miño entre Galicia e Portugal, formando a fronteira máis antiga de Europa. Amais, este foi o primeiro paso para o recoñecemento de Alfonso Henriques coma rei de Portugal. Para conmemorar esta data o concello de Tui organiza dous concertos que terán lugar na rúa Compostela o venres 6 e o sábado 7 de xullo.
Mañá mércores, 27 de xuño, ás 11h, na sala de reunións da casa do concello de Tui presentarase a celebración do “Pacto de Tui” que terá lugar o 6 e 7 de xullo na rúa Compostela. Comparecerán ante os medios de comunicación o alcalde, Carlos Vázquez Padín, o concelleiro de Cultura, Eduardo Freiría, e membros do grupo Son de Seu que actuarán na celebración do Pacto de Tui xunto a Teresa Salgueiro.
A sala Félix Rodríguez da Área Panorámica acolle mañá venres, 22 de xuño, ás 20h a presentación do libro “Nova Nursia” de Hector Cajaraville. Trátase dunha biografía novelada do bispo tudense Rosendo Salvado.
A música tradicional será protagonista esta fin de semana en Tui coa celebración do IV Concurso de Gaita e Tamboril, o sábado, e do V Día da Muiñeira, o domingo, organizados pola Asociación Xuvenil e Cultural San Telmo coa colaboración do Concello de Tui.
A presentación destas actividades tivo lugar esta mañá na casa do concello a cargo do alcalde, Carlos Vázquez Padín, o concelleiro de Cultura, Eduardo Freiría, Conchi Sales, presidenta, e Verónica Morais, vogal, da Asociación Cultural e Xuvenil San Telmo.
Mañá mércores, 13 de xuño, ás 11h na sala de reunións da casa do concello de Tui terá lugar a presentación do IV Certame de Gaita e Tamboril e do V Día da Muiñeira que se van celebrar esta fin de semana organizados pola Asociación Cultura e Xuvenil San Telmo coa colaboración do Concello de Tui.
Comparecerán ante os medios de comunicación o alcalde, Carlos Vázquez Padín, o concelleiro de Cultura, Eduardo Freiría, Conchi Sales, presidenta, Raquel Hernández, secretaria e Verónica Morais, vogal, da Asociación Cultura e Xuvenil San Telmo.
