Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O exotismo do Xapón, o colorido de Colombia, a riqueza cultural de Arxentina, a forza de Buroacia...estarán presentes nunha nova edición da Noite Internacional do Miño que da man da Escola de Gaitas e Baile San Fins de Rebordáns tende pontes entre culturas. Será o martes, 24 de xullo, ás 21.00 h no Parque do Laxal en Rebordáns.
A solidariedade cos afectados pola explosión no barrio da Torre en Paramos transformarase en notas musicais, serán as que o domingo, 15 xullo, ás 21.30h no Paseo Fluvial interpretarán as bandas de Gaitas San Xoán de Paramos e Lembranzas da Terra de Guillarei, e os alumnos do Conservatorio Profesional de Música de Tui.
O sábado, 1 de setembro, terá lugar o derradeiro concerto da Banda de Música Popular de Tui dentro do ciclo Concertos de Verán. Será ás 21.30h no Paseo da Corredoira. No repertorio que interpretarán haberá dende clásicos, temas populares, bandas sonoras, e composicións contemporáneas coas que deleitarán ao público presente.
A Banda de Música Popular de Tui ofrecerá o sábado, 11 de agosto, ás 21.30h no Paseo da Corredoira o segundo dos tres concertos previstos este verán na rúa. No repertorio que interpretarán haberá dende clásicos, temas populares, bandas sonoras, e composicións contemporáneas coas que deleitarán ao público presente.
O derradeiro dos concertos desde ciclo Concertos de Verán será o sábado, 1 de setembro, ás 21.30h no Paseo da Corredoira.
A Banda de Música Popular de Tui sae á rúa para pórlle música ao verán e transformar o clásico estival de bandas de música en tres concertos no Paseo da Corredoira. No repertorio que interpretarán haberá dende clásicos, temas populares, bandas sonoras, e composicións contemporáneas coas que deleitarán ao público presente.
O primeiro dos concertos será o sábado, 14 de xullo, ás 21.30h no Paseo da Corredoira. Volverán actuar os sábados 11 de agosto e 1 de setembro, ás 21.30 h
"Coco" é o título do filme que se vai proxectar o venres, 3 de agosto, ás 22.15 h na praza de San Fernando dentro do ciclo Cinema no Verán. Achéganos a un pequeno e alegre pobo mexicano onte vive Miguel, quen quere ser músico, pese a prohibición da súa familia. No Día dos Mortos accidentalmente, xunto co seu can, cambia de dimensión e precisa da bendición dun ser querido para regresar.
A praza de San Fernando acollerá o venres, 27 de xullo, ás 22.15 h a proxección de “Cavernícola” dentro do ciclo Cinema no Verán.
O filme achegános ao cambio da Idade de Pedra á de Bronce, o que supón para os cavernícolas novos retos para non caer baixo o dominio de Lord Nooth. Dug e o seu xabalí Hognob xogarán un épico partido de fútbol para salvar a súa tribo.
O ciclo Cinema no Verán ábrese o venres, 13 de xullo, ás 22.30 h na Praza de San Fernando coa proxección de "El hijo de Bigfoot".
A película está protagonizada por Adam, un adolescente, que vive a aventura da súa vida cando parte na busca do seu pai e descobre que se trata do lendario Bigfoot. Pero tamén se decata que el ten poderes especiais coma falar cos animais.
Unha vintena de persoas participarán dende mañá na III Aula Aberta de Saxofón organizada polo Conservatorio Profesional de Música de Tui, que se vai celebrar neste centro de estudos musicais até o venres. Esta actividade está organizada polo Conservatorio Profesional de Música de Tui e a Asociación Frai Rosendo Salvado co patrocinio do Concello de Tui.
Tui foi o punto escollido por 6.825 persoas para iniciar o percorrido do Camiño Portugués de Santiago entre xaneiro e xuño deste ano. Cada día os peregrinos, das máis diversas procedencias, percorren as rúas tudenses camiño de Compostela. Esta fin de semana a cidade celebra a III Festa do Peregrino organizada por ACITUI, a Asociación de Comerciantes e Industriais de Tui, coa colaboración do Concello de Tui.
