Facebook Twitter Vimeo Instagram Youtube

Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño.  Exposicións, festivais de música e cine, feiras, … fan que a cultura teña en Tui un valor excepcional.

Concertos de Verán na rúa

A Banda de Música Popular de Tui sae á rúa para pórlle música ao verán e transformar o clásico estival de bandas de música en tres concertos no Paseo da Corredoira. No repertorio que interpretarán haberá dende clásicos, temas populares, bandas sonoras, e composicións contemporáneas coas que deleitarán ao público presente. 

O primeiro dos concertos será o sábado, 14 de xullo, ás 21.30h no Paseo da Corredoira. Volverán actuar os sábados 11 de agosto e 1 de setembro, ás 21.30 h

Cinema no Verán "Coco"

"Coco" é o título do filme que se vai proxectar o venres, 3 de agosto, ás 22.15 h  na praza de San Fernando dentro do ciclo Cinema no Verán. Achéganos a un pequeno e alegre pobo mexicano onte vive Miguel, quen quere ser músico, pese a prohibición da súa familia. No Día dos Mortos accidentalmente, xunto co seu can, cambia de dimensión e precisa da bendición dun ser querido para regresar.

Cinema no Verán "Cavernícola"

A praza de San Fernando acollerá o venres, 27 de xullo, ás 22.15 h a proxección de “Cavernícola” dentro do ciclo Cinema no Verán.  

O filme achegános ao cambio da Idade de Pedra á de Bronce, o que supón para os cavernícolas novos retos para non caer baixo o dominio de Lord Nooth. Dug e o seu xabalí Hognob xogarán un épico partido de fútbol para salvar a súa tribo.

Unha vintena de alumnos participan na III Aula Internacional de Saxofón

Undefined

Unha vintena de persoas participarán dende mañá na III Aula Aberta de Saxofón organizada polo Conservatorio Profesional de Música de Tui, que se vai celebrar neste centro de estudos musicais até o venres.  Esta actividade está organizada polo Conservatorio Profesional de Música de Tui e a Asociación Frai Rosendo Salvado co patrocinio do Concello de Tui.

Esta fin de semana celébrase a III Feira do Peregrino

Undefined

Tui foi o punto escollido por 6.825 persoas para iniciar o percorrido do Camiño Portugués de Santiago entre xaneiro e xuño deste ano. Cada día os peregrinos, das máis diversas procedencias, percorren as rúas tudenses camiño de Compostela. Esta fin de semana a cidade celebra a III Festa do Peregrino  organizada por ACITUI, a Asociación de Comerciantes e Industriais de Tui, coa colaboración do Concello de Tui.

Mañá ás 20.30h inaugúrase a exposición “Azulejo português. Diálogos contemporâneos” na Sala Municipal

Undefined

Mañá sábado, 7 de xullo, ás 20.30h será inaugurada na Sala de Exposicións Municipal, na Área Panorámica, a exposición “Azulejo português. Diálogos contemporâneos”, froito da colaboración entre o Camões. Instituto da Cooperação e a Língua con sede en Vigo e a Concellería de Cultura.

Exposición “Azulejo português. Diálogos contemporâneos”

A Sala de Exposicións Municipal, na Área Panorámica, acolle do 7 ao 31 de xullo a  mostra “Azulejo português. Diálogos contemporâneos”, froito da colaboración entre o Camões. Instituto da Cooperação e a Língua con sede en Vigo e a Concellería de Cultura do Concello de Tui. 

Esta mostra enmárcase nas actividades organizadas para conmemorar o aniversario do Pacto de Tui.

Pode visitarse de  luns a venres de 9.25 h a 13.20 h e de 15.25 h a 20.10 h e os sábados de 9.25h a 13.20 h.

Mañá preséntase a III Feira do Peregrino

Undefined

Mañá venres, 29 de xuño, ás 11h na sala de reunións da casa do concello de Tui terá lugar a presentación da III Feira do Peregrino organizada por ACITUI, a Asociación de Comerciantes e Industriais de Tui, coa colaboración do Concello de Tui.

Participarán na presentación o alcalde, Carlos Vázquez Padín, os concelleiros de Comercio e Cultura, Yovana Velázquez e Eduardo Freiría, respectivamente, e o presidente de ACITUI, Juan Carlos Blanco.

Páxinas

Subscribirse a RSS - Cultura