O Concello de Tui vai realizar durante os meses de marzo e abril unha rolda de charlas informativas nas distintas parroquias tudenses para informar sobre o Plan Municipal de Prevención e Defensa contra os incendios forestais.

Nestas reunións explicarase á veciñanza en qué consiste o plan, a súa aplicación, e as zonas afectadas. Ao tempo aclararanse todas aquelas dúbidas que poidan xurdir sobre este plan.

Na reunións participará o concelleiro de Medio Ambiente, Ismael Diz, e unha técnica municipal.

O Consorcio de Augas do Louro iniciou este luns as obras de renovación de equipos de dosificación de reactivos na potabilizadora de As Chans, en Tui.

O Concello de Tui vén de pór en marcha un novo servizo de recollida de papel e cartón porta a porta co obxectivo de contribuír á reciclaxe destes produtos por parte dos establecementos comerciais, hostaleiros, e a industria local.

Con esta iniciativa búscase por unha parte axudar aos e ás comerciantes e hostaleiros na separación e reciclaxe dun material coma o papel e cartón, do que xeran importantes cantidades nos seus negocios. Coa recollida específica para eles búscase non colapsar os contedores azuis deixando o seu uso preferente para a cidadanía.

O próximo xoves, 25 de novembro, de 10 a 14 h terá lugar unha actividade do Plan de Compostaxe Municipal. Celebrarase no novo Centro de Compostaxe Comunitaria, ao carón do Mercado Municipal de Abastos. O alumnado dos centros educativos da contorna visitarán os Centro de Compostaxe Comunitario para coñecer a súa utilización e resolver as dúbidas que poidan ter sobre a compostaxe.

Explicar o Plan Municipal de Compostaxe do Concello de Tui será o obxectivo das dúas charlas informativas previstas para mañá xoves e o venres na aula CEMIT, na Área Panorámica, a cargo da mestra composteira Sara Luque.  Son charlas abertas a toda a cidadanía nas que se solucionarán todo tipo de dúbidas.

Nos Xardíns de Troncoso, no Paseo Familia Álvarez Blázquez, foi transplantada estes días unha camelia xapónica, Leonardo da Vinci, que foi cedida pola familia Ramos-Vieiro á Asociación Amigos Tudenses da Camelia, ATUCA. 

Este exemplar, duns 35 anos, foi trasladado dende Santiago até Tui e o transplante aos Xardíns de Troncoso foi realizado o pasado xoves baixo a dirección de ATUCA e da Sociedade Española da Camelia, SEC, coa colaboración do Concello de Tui. 

O Concello de Tui conta con catro centros de compostaxe comunitaria no centro urbano, tras a apertura  nas últimas semanas dos centros situados na prolongación da rúa Casal Aboy e a carón da Praza de Abastos.  Estes centros de compostaxe comunitaria poden acoller e xestionar residuos orgánicos de até 650 persoas. O obxectivo destas localización é dotar de composteiros  a estas areas da cidade, facilitando o uso deste servizo as persoas que viven nestas zonas.

Hoxe veñen de ser retirados dous eucaliptos que presentaban perigo de caída na beira do río Louro, na zona de Ricamonde, por debaixo da ponte situada na estrada N550. 

A actuación foi realizada pola Confederación Hidrográfica do Miño Sil a través da empresa Tragsa. A concellería de Medio Ambiente do Concello de Tui dirixirase ao organismo de conca, que é quen ten as competencias nos leitos e zona de servidume dos ríos, solicitando a retirada destas árboles de gran porte polo risco que supoñan. 
 

O Concello de Tui continúa esta fin de semana, cun documental e un coloquio sobre as comunidades de montes e a xestión forestal, o programa de actividades que puxo en marcha este mes para celebrar o Día Mundial do Medio Ambiente coa colaboración das concellerías de Medio Ambiente e de Cultura e Educación.