“IA para reducir custes na túa empresa” é o título do obradoiro práctico e gratuíto que o martes 10 de novembro, de 15 a 17 h, se vai celebrar na Aula CEMIT de Tui. Esta actividade está organizada pola Oficina Acelera Pyme de ASIME, a Asociacion de Industrias do Metal e Tecnoloxías Asociadas de Galicia, coa colaboración do Concello de Tui.  O obradoiro será impartido por Joaquín González de Informática San Benito.

O Centro Municipal de Formación do Concello de Tui, situado en Guillarei, acollerá do 21 de setembro ao 4 de novembro un curso de “Atención Sociosanitaria no domicilio”, unha iniciativa orientada á formación para o emprego e a facilitar a incorporación ao mercado laboral nun sector que presenta unha elevada demanda de profesionais.

A Aula CEMIT de Tui acollerá por segundo ano consecutivo un dos obradoiros do XI Scratch Day. A cita será o próximo sábado, 12 de setembro, de 9.30 h a 14 h. A actividade vai dirixida a rapazada con idades entre os 7 e os 15 anos acompañados dunha persoa adulta. 

A Aula CEMIT de Tui, situada no edificio Francisco Sánchez, acollerá o próximo mes de outubro un curso de dixitalización para persoas maiores baixo a denominación de “Mellor Acompañad@”.  O curso, que ten carácter gratuíto, está organizado polo Concello de Tui e será impartido pola Fundación Amigos de Galicia.

Terá lugar o luns 19, xoves 22, luns 26 e xoves 29 de outubro de 10 a 12.30 h.

O Concello de Tui vén de clausurar o curso de formación en hostalaría desenvolvido no Mercado Municipal de San Antonio entre o 29 de xuño e o 15 de xullo. Esta iniciativa permitiu formar a nove persoas desempregadas co obxectivo de facilitar a súa incorporación ao mercado laboral e, ao tempo, dar resposta á demanda de persoal cualificado por parte da hostalaría da contorna.

Actividades auxiliares en conservación e mellora de montes e Traballos de carpintería e moble son as dúas especialidades nas que van formar vinte persoas no obradoiro dual de emprego “Senda Río Miño: Tramo San Martiño” que foi presentado este mediodía.