Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O sábado, 16 de agosto, celebrarase a XIII do Miño. Ao abeiro da programación a rúa Compostela, acollerá dende ás 20 h a Festa Gastronómica, na que gozar dos pratos e petiscos da nosa gastronomía tradicional, pero con lugar tamén para innovacións culinarias. Non faltará a animación musical a cargo das charangas tudenses A Tu Ritmo, que fará dous pasarrúas ás 20 h e ás 22 h, e Cantos Somos que actuará ás 21 h e ás 23 h.
O mes de agosto abrirase coa décimo novena edición de Música no Claustro. Festival de Música, Patrimonio e Creación. Do venres 1 ao xoves 7 ás 21 h ofrecerá concertos no claustro catedralicio. Apertura de portas ás 2.45 h
Músicas dende Cabo Verde
Concerto
Identidades: Mário Lúcio dialoga co xornalista José Font
O folclore máis internacional terá o seu escaparate no parque do Laxal, en Rebordáns, coa Noite Internacional do Miño organizada pola Noite Internacional. Será o martes 29 de xullo a partir das 21.30 h.
Chegan nesta edición os ritmos, cores e tradicións de Macedonia, Costa de Marfil, Arxentina e Brasil.
Furia Sotelo presenta en Tui, o venres, 25 de xullo, ás 21 h na Igrexa de San Domingos, "Camiños que parten", un espectáculo de música en directo e danza. Con esta proposta Tui continúa a súa aposta por iniciativas que reivindiquen o seu papel coma porta de entrada do Camiño Portugués a Galicia, neste caso cun espectáculo que viaxa a través dos elementos naturais que serviron de inspiración, guía e material para o último disco de Mounqup, "Aquelarre".
Tui reivindica nesta programación o seu papel coma porta da entrada do Camiño Portugués a Galicia, e faino a través da música co concerto ilustrado “A zanfona e o Camiño de Santiago” o xoves 24 de xullo, ás 21.30 h na igrexa de San Bartolomeu, da man de Germán Díaz.
Un concerto no que se interpretan músicas históricas e tamén imaxinadas baseadas na tradición sonora dos Camiños a Santiago, ilustrado a partir das diversas representacións da zanfona na Igrexa de San Bartolomeu.
Entrada libre.
Fin de semana de romaría e música tradicional a primeira do mes de xullo, que inaugurou a programación cultural do verán do Concello de Tui.
Onte domingo o protagonista foi o Parque Natural Monte Aloia, onde multitude de persoas se congregaron para celebrar a Romaría das Angustias, como cada primeiro domingo de xullo, e a conmemoración este ano do 125 aniversario da Cruz do Aloia.
A décimo terceira edición do IKFEM, Festival Tui – Valença, brindará do 16 ao 20 de xullo unha programación que une tradición e vangarda a través de concertos, encontros profesionais e actividades para todos os públicos, en lugares coma a Alameda de San Domingos en Tui ou a Fortaleza de Valença. A programación completa pode consultarse na web oficial do festival: www.ikfem.com, onde tamén se poden adquirir as entradas, ao igual que en ataquilla.com.
Dentro da programación do verán o sábado 12, ás 22.30 h, na praza do Pracer proxectarase a película "Gardiana de dragóns" dirixida a todos os públicos. Haberá 150 cadeiras. A entrada é de balde.
"Gardiana de dragóns" está dirixida por Salvador Simó e Li Jianping, con guión de Carole Wilkinson, Pablo Castrillo, Ignacio Ferreras, Rosanna Ceccini e Wang Xianping, baseado na novela homónima de Wilkinson.
Pepo Suevos presenta “A Xira do cuarto de século” o venres, 11 de xullo, ás 22.30 h no Espazo Sociocultural da rúa Camilo José Cela. A entrada libre até completar o aforo.
Música, traxes e cultura tradicional protagonizan a primeira fin de semana deste mes de xullo en Tui co V Festival da Cultura Tradicional e Folk que organiza a Asociación Cultural San Telmo.
O festival comeza este venres 4 de xullo coa inauguración da exposición “O traxe da muller aldeá” da man do grupo etnográfico Traxandaina. Trátase dunha valiosa mostra das roupas que vestían as mulleres aldeás, sobre todo, en Lugo, con elementos orixinais que se conservan até a actualidade. Estará aberta no Espazo Sociocultural da rúa Camilo José Cela até este domingo día 6.
