Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O Teatro Municipal de Tui acolle este venres, 20 de outubro, ás 21.30h a estrea de "Chola a it girl" de Artesacía.
A tudense Laura Villaverde é a autora, directora e intérprete nunha montaxe na que Roi Fernández faise cargo da escenografía e iluminación e Lucía Martínez da música.
A obra dirixida a todos os públicos a partir dos 10 anos ten unha duración de 60 minutos.
Esta mañá na sala de reunión da casa do concello de Tui tivo lugar por parte da Compañía Artesacía a presentación de “Chola a it girl”, espectáculo que se estrea o vindeiro 20 de outubro no Teatro Municipal como parte da programación de Outono no Teatro.
. Esta mañá foi presentado na sala de reunións do Concello de Tui o Festival de Outono de Corais, que se celebrará o vindeiro mércores, 11 de outubro, ás 20h no Teatro Municipal de Tui no edificio da Área Panorámica.
A programación do Outono no Teatro continúa este sábado ás 20.30h con “Resaca”, da compañía ourensá ilMaquinario. Trátase do terceiro traballo dende que comezaron a súa andadura no ano 2012 e o máis persoal. Despois de dous espectáculos creados a partir de obras de autores estranxeiros, apostan pola creación colectiva e o teatro documental para reflexionar sobre a perda dun ser querido nun espectáculo que une danza, poesía e música en directo.
Mañá, venres 6 de outubro, ás 11h na sala de reunións do Concello de Tui terá lugar a presentación do Festival de Outono de Corais de Tui, que se celebra o vindeiro mércores, 11 de outubro.
A presentación correrá a cargo de Enrique Cabaleiro, alcalde; Mª José González, concelleira de Ensino; José Manuel Martínez González, presidente da Coral Centro Social; Vicente Álvarez Fernández, tesoureiro da Coral San Telmo; e Marta Rodríguez, presidenta da Coral Ponte das Febres.
A sala de exposicións municipal na Área Panorámica acolle do 3 ao 23 de outubro unha exposición de cadros de María Luísa Crespo e de arte con teas de María Jesús Prieto. Pode visitar pola mañá de 10h a 14h e pola tarde de 16h a 20h.
O Teatro Municipal acolleu esta mañá a presentación da programación cultural que se levará a cabo durante os meses de outubro novembro e decembro baixo o título “Outono no Teatro”, e que dará comezo este mesmo venres.
No acto estiveron presentes o alcalde, Enrique Cabaleiro, e a concelleira de Cultura e Ensino, Mº José González, así como o director da AGADIC, Jacobo Sutil. Amais a presentación contou con algúns representantes dos distintos espectáculos que forman parte desta programación.
Dende hoxe e até o 23 de outubro pódese visitar na sala de exposicións do edificio da Área Panorámica unha mostra de cadros ao óleo e arte con teas. Trátase dunha mostra do traballo de María Luísa Crespo na parte de pintura e María Jesús Prieto na parte de traballos con tecidos ou patchwork que se pode visitar pola mañá de 10h a 14h e pola tarde de 16h a 20h.
Trompicallo Teatro será a compañía encargada de abrir este venres, 6 de outubro, no Teatro Municipal de Tui a programación de outono. Será ás 20h coa estrea da súa última montaxe “Planeta Ardora”. Trátase dun espectáculo, dirixido a público familiar a partir dos dous anos, no que a luz é a protagonista.
