Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Mañá mércores, 29 de agosto, ás 12h no salón de sesións da casa do concello de Tui terá lugar a presentación do Festival Arraianos, que se celebrará en Tui do venres 31 de agosto ao domingo 2 de setembro.
A presentación correrá a cargo do alcalde de Tui, Carlos Vázquez Padín, o concelleiro de Cultura e Patrimonio, Eduardo Freiría, e a directora do festival, Andrea Costa.
Hoxe presentouse o número 5 da revista Castelum Tyde promovida polo Instituto de Estudos Tudenses.
A presentación correu a cargo do alcalde de Tui, Carlos Vázquez Padín, o concelleiro de Cultura e Patrimonio, Eduardo Freiría, o presidente do Instituto de Estudos Tudenses, Javier Añoveros, a vicepresidenta Marta Cendón, e o secretario, Rafael Sánchez Bargiela.
Mañá martes, 28 de agosto, ás 12h no salón de sesións da casa do concello de Tui terá lugar a presentación do número 5 da revista Castelum Tyde promovida polo Instituto de Estudos Tudenses.
A presentación correrá a cargo do alcalde de Tui, Carlos Vázquez Padín, o concelleiro de Cultura e Patrimonio, Eduardo Freiría, o presidente do Instituto de Estudos Tudenses, Javier Añoveros, a vicepresidenta Marta Cendón, e o secretario, Rafael Sánchez Bargiela.
A derradeira xornada do cinema de verán da programación cultural de Tui será mañá venres, 24 de agosto ás 22:00h na Praza de San Fernando coa proxección da película “Ferdinand”. A película de animación infantil trata dun toro, Ferdinand, que prefire sentarse baixo unha árbore e ulir as flores que pelexar con outros toros. Todo cambiará para Ferdinand o día que é elixido para ir as corridas de touros en Madrid. Esta divertida comedia ten unha duración de 106 minutos.
Este venres celébrase a segunda visita do programa “Tralas pegadas do tempo” organizada pola concellería de Patrimonio e Cultura. Tras o éxito da primeira xornada con corenta participantes, este venres realizarase a Ruta petróglifos da Macoca e Alto dos Cubos.
Do venres 31 de agosto ao domingo 2 de setembro celébrase en Tui o Festival Arraianos, unha viaxe no tempo cara ao pasado da man dunha científica tola que crea unha máquina que por erro abre unha brecha temporal.
Na fin de semana haberá Visitas teatralizadas, Ruta dos petiscos medievais, A Conquista do Miño, Ceas de Taberna, Mercado Arraianos, conferencias, Medieval Zombie, ... polas rúas do conxunto histórico de Tui.
O xoves, 27 de setembro, ás 19.00 h no Teatro Municipal acolle a Xoán Curiel con “A casa do terror" dentro do programa Falaredes de Dinamización Lingüística. É un espectáculo de teatro, música, clown, e danza dirixido a nenos de 7 a 12 anos.
Cancións, danzas, teatro, clown e a participación do público para contar a historia dun grupo de amigos que se ve na obriga de durmir nun edificio encantado. Todo da man de Xoán Curiel acompañado pola banda Son+d2 e bailarina Marta Alonso.
O xoves, 30 de agosto, ás 21h a praza de San Fernando acolle un dos espectáculo do ciclo "Vive o Camiño" organizado polo Xacobeo. O poeta e contacontos Celso F. Sanmartin "Celsiño" achegará ao público relatos, historias e memorias vinculadas á tradición oral galega. Mentres a cantautora MJ Pérez na súa actuación fusionará estilos musicais nunha interpretación na que a súa voz, e mensaxe toman relevancia.
*En caso de choiva celebrarase na Área Panorámica
A praza de San Fernando acolle o venres, 24 de agosto, ás 22h, a proxección de "Ferdinand" dentro do ciclo Cinema no Verán. Este filme de animación, para todos os públicos, ten unha duración de 106 minutos.
A Ferdinand non lle gusta embestir, nin competir por ver que é máis forte, prefire ulir as flores e sentar á sombra dunha árbore. Pero todo cambiará o día en que é levado a Madrid para participar nas corridas de touros.
Mañá sábado, 18 de agosto, celébrase a VIII Festa do Miño, cun amplo programa ao longo da xornada que combina gastronomía, música, deporte, natureza… e no que o río Miño será o gran protagonista.
A VIII Festa do Miño comezará ao mediodía cunha romaría popular na ribeira de Caldelas. Dende este punto sairán ás 16h os 850 inscritos no VIII Descenso Popular do Miño, baténdose este ano un novo record de participación.
