Facebook Twitter Vimeo Instagram Youtube

Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño.  Exposicións, festivais de música e cine, feiras, … fan que a cultura teña en Tui un valor excepcional.

O Teatro Municipal acolle este venres o espectáculo musical “A fiestra dos soños”

Undefined

Este venres, 26 de outubro, ás 20.00h o Teatro Municipal de Tui acolle o espectáculo musical “A fiestra dos soños” da compañía Trotaventos a Santiago.  O espectáculo de Manuel Boquete e Ramón Feans está baseado no libro de poemas ilustrados e musicados que da nome a obra,  “A  fiestra dos soños”. É un concerto para soñadores que permite ao público asistente achegarse a un  mundo máxico da man dos diferentes ritmos e compases.

O Concello de Tui asume os desprazamentos dos escolares ao Teatro Municipal neste curso

Undefined

A concellería de Educación do Concello de Tui asume neste curso o desprazamento dos escolares dos distintos centros educativos de Tui cara ao Teatro Municipal de Tui para asistir as distintas funcións programadas nos próximos meses para o alumnado de Infantil e Primaria. Deste xeito búscase garantir a igualdade de oportunidades de todos os escolares para asistir a esta programación cultural que se realiza en horario escolar, proporcionando o desprazamento necesario aos centros educativos, segundo explicaba a concelleira de Educación, Mila González.

O Teatro Municipal acolle este venres a proxección da película Dhogs

Undefined

Este venres, 19 de outubro, ás 21.30h o Teatro Municipal de Tui acolle a proxección da película Dhogs, dirixida por Andrés Goteira e galardoada con 13 premios Mestre Mateo, incluído o de mellor película.

A protagonista do filme, Alex, goza da última copa no bar dun hotel de luxo, allea á morea de desagradables acontecementos que vivirá nas próximas horas. A súa aventura cun executivo será o preámbulo dunha espiral de violencia na que se verá inmersa e que a levará por unha senda de sufrimento fóra do seu control.

Concerto de Nadal

A Orquestra Sinfónica de Tui, e o Coro Mistura Vocal ofrecerán o venres, 21 de decembro, ás 21h no Teatro Municipal de Tui o "Concerto de Nadal". 

Obras clásicas, bandas sonoras e composicións do Nadal serán as que interprete a Orquestra Sinfónica de Tui, integrada por alumnos, exalumnos e profesores do Conservatorio Profesional de Música de Tui, no Concerto de Nadal. Participará tamén o coro Mistura Vocal dirixido por Aloia Martínez. Non faltarán as sorpresas.

Director da Orquestra Sinfónica de Tui: Luís Caballero Varona

“Noró” Xabier Díaz e Adufeiras de Salitre, en concerto

“Noró” é o título do concerto que  Xabier Díaz e Adufeiras de Salitre ofrecerán o venres, 9 de novembro, ás 21.30 h no Teatro Municipal de Tui. 

Noró, o último traballo de Xabier Díaz é  un retrato do seu día a día, das últimas viaxes, unha celebración do equilibrio da república adufeira. É a banda sonora do norte que ten marcado a súa vida, que a ten enchido de tradición e de son, e que o orienta cara  camiños insospeitados por explorar.

“Peter Pan y Wendy” El perro azul teatro de Logroño

O Teatro Municipal de Tui acollerá o mércores, 31 de outubro, ás 20.00 h á compañía El  perro  azul  teatro  de  Logroño con “Peter  Pan  y  Wendy”  . 

Trátase dunha comedia dirixida a público familiar a partir de 5 anos. É unha fábula sobre o tempo, o seu paso e o que supón, cunha historia de amor, con humor e o encanto dunha narración fantástica. Unha viaxe ao País de Nunca Xamais co neno que nunca crece, Peter Pan, e Wendy, e a súa filla, e a filla desta...

Ghazafelhos presenta este xoves no Teatro Municipal “Rubicundo”

Undefined

O público infantil é o destinatario do segundo espectáculo da programación de Outono que este xoves chega ao Teatro Municipal de Tui. A cita será ás 20h coa compañía Ghazafelhos e a obra “Rubicundo”. Pepablo Patiño é o autor e director desta obra teatral destinada público a partir dos 3 anos, que el mesmo interpreta xunto a Montse Piñón e Jorge Casas.

“A Leituga” de Eme2 abre esta noite a programación cultural de Outono

Undefined

Hoxe ábrese a programación cultural de Outono no Teatro Municipal de Tui. Será coa representación da comedia negra “A Leituga”  da man de Eme2. A cita será ás 21.30h.

Neste espectáculo Víctor Duplá dirixe a Antonio Durán “Morris”, Federico Pérez, María Vázquez, Mercedes Castro, e Xosé Barato.  nesta obra teatral na que cinco familiares, tres irmáns e as parellas de dous deles, reúnense na casa da irmá maior para celebrar o aniversario do pai, que se atopa en estado de coma dende hai nove anos.

Oito espectáculo de teatro, danza, música e cinema conforman a programación de Outono no Teatro Municipal de Tui

Undefined

. Oito espectáculos conforman a oferta de Outono no Teatro Municipal de Tui que foi presentada esta mañá no propio teatro. Unha actividade que mantén a aposta de calidade, variedade, estabilidade e continuidade marcada ao longo dos últimos anos. Este traballo ten dado coma froito converter a este espazo escénico – que  o pasado mes de abril cumpriu 15 anos – nun referente cultural en Galicia e no norte de Portugal, que ten amais colleitado o respaldo do público coma demostra a media de espectadores cada ano.

Páxinas

Subscribirse a RSS - Cultura