Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.Aprazada - Visita guiada ao Nadal no patrimonio tudense
Debido as adversas condicións meteorolóxicas a visita guiada foi aprazada.
Este sábado, 21 de decembro, ás 17 h partirá da praza de San Fernando a visita guiada ao Nadal no patrimonio tudense.
Esta actividade é froito da colaboración entre o Concello de Tui e o Instituto de Estudios Tudense para a promoción e divulgación do noso patrimonio cultural.
Realizará un percorrido polas pegadas que o Nadal ten nos bens culturais integrantes do patrimonio tudense sendo algúns dos principais enclaves a Catedral de Tui e a igrexa de San Domingos.
