Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Do 22 ao 30 de marzo a obra do artista portugués contemporáneo Puskas pode verse en Tui e Valença nunha mostra organizada pola Eurocidade co gallo do aniversario da vella Ponte Internacional.
Puskas amosará a súa obra na que plasma diferentes elementos da Eurocidade coma as súas paisaxes, monumentos, santos… Será de xeito simultáneo na Sala de Exposicións Municipal de Tui, na Área Panorámica e no Arquivo Municipal de Valença.
O telón do Teatro Principal será exposto no mes de abril durante as festas de San Telmo tras realizar unha limpeza e análise do mesmo.
A pasada semana levouse a cabo o exame organoléptico para avaliar o estado de conservación da cortina de boca do Teatro Principal. Segundo a especialista en conservación, a peza a pesar do seu manifesto deterioro, presentaba a nivel de soporte a suficiente resistencia para ser exhibido.
“El extraño mundo de la magia de Pexegueiro” da Asociación Entroido de Pexegueiro foi a gañadora no Desfile-Concurso de Entroido celebrado esta tarde en Tui. Cunha alegoría do mundo máxico de fadas, duendes e outros seres que loitan por unha pócima amorosa fixéronse co primeiro premio do Entroido. Tamén foron os gañadores o primeiro premio en acompañamento musical e do segundo en carrozas.
Miles de persoas ateigaron esta tarde as rúas de Tui para presenciar o Desfile-Concurso de Entroido.
Tui celebra este domingo o Concurso Desfile de Entroido logo de que tivera que ser aprazado o pasado día 5 polas adversas condicións meteorolóxicas. Participarán 10 comparsas das que 4 son de Tui, 2 de Salceda, 2 de Gondomar, 1 de Tomiño e 1 de Redondela, que levarán 13 carrozas e suman 850 persoas desfilando.
Comezará ás 17.30 h para realizar un percorrido polas rúas Casal Aboy, Compostela, Betanzos, Irmáns Maristas, Ourense e A Guarda.
O conto de Carlos Casares “A Galiña Azul” chega mañá venres, 15 de marzo, ás 20 h ao Teatro Municipal de Tui da man de Tanxarina Títeres.
A praza de San Fernando acollerá o venres, 7 de xuño, ás 17.30h na praza a sétima edición de "No bico un cantar" organizado polo Consello da Cultura Galega e da Consellería de Cultura, Educación e Ordenación Universitaria, e coa colaboración do Concello de Tui. Esta sétima edición ten por título de “Nenos e nenas cantan na Raia” facendo referencia á participación alumnado de dous centros musicais de Portugal.
Tui acollerá o venres, 7 de xuño, a sétima edición de “No bico un cantar” que congregará un coro de cincocentos nenos e nenas pertencentes a conservatorios profesionais e escolas de música de Galicia e o norte de Portugal.
A choiva e o vento do pasado martes obrigaron a suspender o Desfile-Concurso de Entroido, que se vai celebrar o domingo, 17 de marzo, ás 17.30 h no circuíto establecido polas rúas novas.
Para manter a secuencia lóxica dos eventos de Entroido, e ante a incertidume do tempo, vénse de aprazar a celebración do Enterro do Bacallau, previsto inicialmente para este domingo 10, para o domingo 24 de marzo. Deste xeito primeiro terá lugar o desfile-concurso e á semana seguinte a despedida do Entroido co Enterro do Bacallau.
O Teatro Municipal de Tui acolle este venres, 8 de marzo, ás 21.30h a Culturactiva de Santiago de Compostela que presenta "Senior".
Avelino González dirixe o elenco conformado por Luís Iglesias e Marcos Orsi nunha comedia que aborda a chegada aos 50 anos de idade.
Ante as adversas predición meteorolóxicas, con choiva e vento para mañá martes, adíase a celebración do Desfile-Concurso de Entroido para o domingo 17 de marzo.
Mantense para este domingo 10 de marzo a celebración do Enterro do Bacallau a partir das 19.30h.
