Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O sábado, 26 de outubro, ás 17 h sairá do edificio “Francisco Sánchez” sede da Biblioteca Pública Muncipal de Tui unha Ruta Literaria coa que se pecha o programa de actos desenvolvido ao longo do mes para conmemorar o Día da Biblioteca. A ruta estará dirixida pola escritora Marga do Val e polo responsable do centro bibliotecario tudense e historiador, Rafael Sánchez Bargiela.
Impreso de solicitude acceso a documentación do arquivo municipal
Mañá venres, 25 de outubro, ás 12.45 h na sala de reunións da casa do concello de Tui terá lugar a presentación do derradeiro evento do proxecto Música e Viño no Teu Camiño promovido por Eu Rural que este domingo se vai celebrar en Tui.
Este xoves, 24 de outubro, celébrase o Día da Biblioteca. Dentro do programa de actividades para conmemorar esta data a Biblioteca Pública Municipal de Tui acolle precisamente este xoves ás 18 h a Marisa Irimia co contacontos “A pirata Escarlata”. Esta actividade vai dirixida a nenos e nenas de 4 a 11 anos. Achéganos á historia de rapazas que capitanean perigosos barcos piratas, rapaces que pilotan naves espaciais, nenas e nenos que viven emocionantes aventuras, que xogan, elas e eles, un papel activo en mil e unha andanzas.
O xoves, 24 de outubro, Día da Biblioteca, ás 18.00 h na Biblioteca Pública Municipal Marisa Irimia, ilustradora, contacontos e animadora da lectura presenta "A pirata Escarlata".
Esta actividade trata de rapazas que capitanean perigosos barcos piratas, rapaces que pilotan naves espaciais, nenas e nenos que viven emocionantes aventuras, que xogan, elas e eles, un papel activo en mil e unha andanzas.
Vai dirixido a nenas e nenos de 4 a 11 anos de idade.
Esta fin de semana son varias as citas de lecer e deportivas que se celebran en Tui nas que colabora o Concello de Tui.
No eido musical, como celebración dos Días Europeos do Camiño de Santiago, temos unha dobre proposta. Mañá sábado, ás 18 h, na Catedral de Tui poderanse escoitar distintas composicións inspiradas no Camiño de Santiago, escritas por compositores e compositoras galegos e portugueses. Será no concerto “Música en Camiño” organizado pola CEER, a Rede de Universidades da Eurorrexión Galicia-Norte de Portugal.
O sábado, 19 de outubro, ás 18 h, a Catedral de Tui acollerá o concerto “Música en Camiño” organizado pola CEER, a Rede de Universidades da Eurorrexión Galicia-Norte de Portugal.
O Concello de Tui súmase esta fin de semana á celebración das primeiras Xornadas Europeas do Camiño de Santiago promovidas pola Federación Europea dos Camiños de Santiago para resaltar o carácter integrador das rutas xacobeas. Unha iniciativa que promove a valorización do Camiño, da súa dimensión europea e do patrimonio cultural, tanxible e intanxible, que o singulariza e do que Tui é testemuña privilexiada da historia e da actualidade das rutas xacobeas.
En Tui será dobre a cita que poderemos gozar.
A Biblioteca Pública Municipal de Tui acolle mañá xoves, 17 de outubro, ás 18 h o contacontos musical “A música da auga” a cargo do Bardo Abelardo. Esta proposta vai dirixida a nenos e nenas de 3 a 11 anos. A entrada é de balde até completar a capacidade do local. Esta actividade forma parte do programa organizado para conmemorar o Día da Biblioteca.
“A música da auga” é un conto musical que pon en valor a parte feminina das nosas vidas: a auga, a terra, a tenrura, a paz e solidariedade e acabar así con todo tipo de violencias.
Tui acolle mañá mércores, 16 de outubro, o encontro de axentes culturais de Galicia e Portugal promovido por Escena Galega, a Asociación Galega de Empresas de Artes Escénicas.
