Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Esta mañá tivo lugar a presentación do Novo Rueiro de Tui, foi ás 12h na oficina de Turismo do Concello de Tui, na praza de San Fernando, a cargo do alcalde de Tui, Carlos Vázquez Padín.
O venres, 26 de outubro, ás 20.00 h o Teatro Municipal de Tui acolle a Trotaventos de Santiago co espectáculo musical "A fiestra dos soños". Está baseado no libro de poemas ilustrados e musicados “A fiestra dos soños”. É un concerto para soñadores que nos permite achegarnos a un mundo máxico da man dos diferentes ritmos e compases.
O Teatro Municipal de Tui acollerá o venres, 19 de outubro, ás 21.30 h a proxección de "Dhogs", película galardoada con trece premios Mestre Mateo
Alex goza da última copa no bar dun hotel de luxo, allea á morea de desagradables acontecementos que vivirá nas próximas horas. Verase inmersa nunha espiral de violencia que a levará por unha senda de sufrimento fóra do seu control.
O xoves, 11 de outubro, ás 20.00 h Ghazafelhos presenta no Teatro Municipal de Tui a obra de teatro infantil "Rubicundo", dirixida a público familiar dende os 3 anos.
A curiosa e soñadora Erea é a única que repara en Rubicundo, que cada noite, co seu gabán e sombreiro de copa, sae en bicicleta rumbo á noite pechada. Unha historia máxica de amizade, constancia e poesía, chea de sorpresas.
O venres, 5 de outubro, ás 21.30 h o Teatro Municipal de Tui acolle a Eme2 de Santiago coa obra "A Leituga" dirixida a público adulto a partir dos 15 anos.
Sacrificio, rancor, ética, esperanza, aceptación... son sentimentos enfrontados ante a morte dun ser querido. A Leituga abórdaos en clave de humor a través da cea que comparten tres irmáns e as parellas de dous deles para festexar o aniversario do pai, en coma dende hai anos.
O programa “Tralas pegadas do tempo” organizado pola concellería de Patrimonio e Cultura realizará o sábado, 15 de setembro, a derradeira visita das catro programadas.
Será o sábado 15 de setembro ás 20h ás Mámoas de Chan Longa e ao recinto amurallado do Monte Aloia. O punto de encontro será o aparcamento próximo a capela de San Xiao no Monte Aloia.
*Houbo un cambio na hora de comezo e pasa a ser ás 20h, e non ás 20.30h
A visita ten un cupo de 50 persoas e é preciso inscribirse a través do whatsapp 610 70 34 88.
Tui súmase por décimo ano consecutivo ás Xornadas Europeas da Cultura Xudea que este se celebran baixo o lema de “Storytelling”, centrándose nas historias e contos da cultura hebrea. Se van celebrar até o domingo 9 pondo en valor o importante patrimonio xudeu que hai na cidade.
Este domingo, 2 de setembro, comezan as X Xornadas da Cultura Xudía en Tui que se van celebrar até o sábado 8 pondo en valor o importante patrimonio xudeu que hai na cidade. Este mediodía na casa do concello tivo lugar a presentación deste programa por parte do alcalde, Carlos Vázquez Padín, o concelleiro de Cultura e Patrimonio, Eduardo Freiría, e o historiador tudense, Suso Vila.
O próximo luns, 3 de setembro, ás 11.00 horas, no salón de plenos da casa do Concello de Tui, terá lugar a recepción oficial á remeira do Club Remo do Miño, Carlota González, pola súa participación na competición internacional da Copa da Xuventude, na que acadou dúas medallas, unha de prata e unha de bronce. Así mesmo, a recepción será tamén ao club alemán RRK Regensburg que, polo irmandade co Club Remo do Miño, estará concentrado no Centro Especializado de Tecnificación Deportiva de Remo e Piragüismo de Tui, adestrando no río Miño, dende o 2 ata o 9 de setembro.
O luns , 3 de setembro, ás 12h na oficina de Turismo do Concello de Tui, na praza de San Fernando, terá lugar a presentación do Novo Rueiro.
A presentación correrá a cargo do alcalde de Tui, Carlos Vázquez Padín e membros do goberno.
