Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O martes, 18 de marzo, cúmprese o centenario do falecemento na cidade de Santiago de Compostela, na que exercía como arcebispo, do egrexio tudense Manuel Lago González (Tui, 1865 – Santiago de Compostela, 1925). Na traxectoria deste insigne eclesiástico, que tamén foi un destacado poeta, salientou sempre o seu compromiso por Galicia e a súa cultura e nomeadamente á lingua galega na que compuxo moitos dos seus versos.
Este domingo, 16 de marzo, ao abeiro das actividades programadas polo Concello de Tui para a conmemoración do centenario do falecemento do bispo e poeta tudense Manuel Lago González, terá lugar un paseo literario por diversos lugares da cidade vinculados á súa figura e traxectoria. Comezará ás 11.30 h na Oficina Municipal de Turismo no Paseo da Corredoira.
“As Desterradas” é o título da obra que este venres, 14 de marzo, ás 21 h presenta Producións Teatrais Excéntricas no Teatro Municipal de Tui, pechando a programación deste primeiro trimestre do ano.
Unha proposta que se sitúa no século XVI para contar unha historia de loita feminina fronte á opresión. A peza, escrita por Carme Varela e dirixida por Quico Cadaval, traslada ao teatro o relato dunha pequena comunidade de monxas do século XVI situada á beira do río Miño e ameazada pola cobiza da xerarquía eclesiástica.
Homenaxe esta tarde a Manuel Lago González, no espazo sociocultural da rúa Camilo José Cela, coorganizado pola Real Academia Galega e o Concello de Tui. Este evento abre o programa conmemorativo do centenario do pasamento de Lago González.
Tui prepárase para despedir o Entroido este domingo, 9 de marzo, co Enterro do Bacallau. Centos de persoas reuniranse para participar nunha festa que conta cunha gran tradición, máis aló dos e das integrantes das doce comparsas que o martes participaron no Desfile Concurso.
Unha festa que esixe rigoroso loito, algo que a comitiva cumpre cada ano para acompañar ao bacallau. Son xa moitos os que dende primeira hora da mañá comezan a festa nas rúas de Tui, e participan en xantares protagonizados por pratos de bacallau.
“Facendo o indio” é o título do espectáculo, para público familiar, que este venres, 7 de marzo, ás 19 h presenta Galitoon no Teatro Municipal de Tui dentro da programación cultural deste primeiro trimestre do ano.
Coa dirección de Chisco Casteleiro, que conforma o elenco xunto a Jona García “Facendo o indio” levará ao público a unha viaxe polos costumes ancestrais, a forma de vida dos indios americanos e os coñecementos adquiridos tras xeracións. Todo nunha proposta de teatro de humor xestual con interacción directa co público e con protagonismo tamén para os monicreques.
O vindeiro martes, 18 de marzo, cúmprese o centenario do falecemento na cidade de Santiago de Compostela, na que exercía como arcebispo, do egrexio tudense Manuel Lago González (Tui, 1865 – Santiago de Compostela, 1925). Na traxectoria deste insigne eclesiástico, que tamén foi un destacado poeta, salientou sempre o seu compromiso por Galicia e a súa cultura e nomeadamente á lingua galega na que compuxo moitos dos seus versos.
Miles de persoas gozaron esta tarde do Desfile-Concurso de Entroido en Tui ateigando as rúas novas da cidade por onde transcorreu o percorrido das doce comparsas que finalmente acudiron a esta cita festiva organizada polo Concello de Tui.
Todo preparado en Tui para recibir mañá a miles de persoas que gozarán do Martes de Entroido na cidade, onde mañá é festivo local.
Ó 18 de marzo deste ano 2025 cúmprese o centenario do pasamento do tudense Manuel Lago González (Tui, 1865 – Santiago de Compostela, 1925). O relixioso e escritor foi un dos organizadores dos Xogos Florais que se desenvolveron en Tui en 1891, os primeiros da historia integramente en galego.Foi xunto a a Manuel Murguía o autor dos dous discursos lidos no acto de constitución da Real Academia Galega (1906). Membro fundador da RAG, durante os anos en que foi bispo do El Burgo de Osma (Soria) perdeu a súa condición de académico, que recuperou en 1917 ao regresar a Galicia como bispo de Tui.
