Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
A Biblioteca Pública Municipal de Tui celebra mañá xoves, 18 de novembro, ás 19.30 h un encontro de dúas escritoras da Eurocidade Tui-Valença, Conchi Regueiro e María José Areal. No mesmo ofrecerán a súa visión da creación literaria e do papel da literatura, especialmente a creada por mulleres. Este encontro terá lugar na Biblioteca Municipal tudense.
Aforo completo no concerto que este venres ofrecerán Tanxugueiras no Teatro Municipal de Tui. 500 persoas poderán gozar do directo deste grupo nun dos últimos concertos da xira “Contrapunto” a partir das 21.30 h.
O Concello de Tui amosa a súa satisfacción polo galardón recibido polo proxecto “Oficinas Efímeras” encargado polo Concello ao arquitecto Jorge Enríquez Méndez, que é un dos trece galardoados cos premios Gran de Area de Aportación á Arquitectura 2021.
Dende o Concello saliéntase amais o feito de que sexan dous os arquitectos tudenses que recibirán no mes de decembro este premio, xa que Rubén Rodríguez Iglesias tamén está entre os 13 galardoados polo proxecto “Un estuche en una caja. Apartamento no centro de Vigo”.
Hoxe pola mañá o presidente do Instituto de Estudios Tudenses, Xavier Añoveros, entregou ao alcalde de Tui, Enrique Cabaleiro, un exemplar no novo número de “Castellum Tyde”, a revista que edita o Instituto de Estudios Tudenses co patrocinio do Concello de Tui.
Até o 29 deste mes de novembro pódese visitar no anexo da Sala de Exposicións Municipal no edificio Francisco Sánchez (Área Panorámica) a exposición dos traballos gañadores e participantes no sexto concurso de pintura rápida Pinta Tui.
O certame celebrouse o pasado domingo, 7 de novembro, organizado pola Asociación de Comerciantes e Industriais de Tui, ACITUI, coa colaboración do Concello de Tui e outras entidades do municipio.
O xoves 25 de novembro ás 19.30 h na Biblioteca municipal de Tui terá lugar a presentación do libro “A viaxe xeométrica de Domingo Fontán” da autoría de Alberto Fortes.
O acto está organizado por Edicións Laiovento, o Concello de Tui e a asociación Levada Libre.
O martes, 23 de novembro, ás 19 h terá lugar unha nova conferencia no marco do Foro do Camiño de Santiago que organiza o concello de Tui. Nesta ocasión contará coa participación de Dámaso Rodríguez Costas, autor de "Ruta jacobea, camino y leyenda".
A charla poderá seguirse en directo na aula CEMIT, con aforo limitado, e en liña en wwww.tui.gal.
Até o 8 de xaneiro de 2022 ampliouse na Sala Municipal de Exposicións do Concello de Tui a mostra de fotografías antigas “A nosa auga, a nosa terra, a nosa xente” que recolle unha escolma dos fondos gráficos do Balneario de Caldelas de Tui.
Recolle 76 fotografías, tomadas entre 1886 e 1935, procedentes do arquivo do Balneario de Caldelas
Do 10 ao 29 de novembro pódese visitar no anexo da Sala Municipal de Exposicións a mostra cos traballos participantes no VI Concurso Pinta Tui que tivo lugar o domingo, 7 de novembro.
Preto de 300 persoas teñen participado nas últimas semanas nas actividades organizadas polo Concello de Tui con motivo do 450 aniversario da Batalla de Lepanto.
O pasado 7 de outubro, coincidindo co 450 aniversario da batalla de Lepanto (entre as tropas da Liga Santa e do Imperio otomán), o alcalde de Tui, Enrique Cabaleiro, presentaba o programa de actividades que o Concello tudense ía desenvolver para conmemorar esta efeméride e a súa representación o retablo de Nosa Señora do Rosario na Igrexa tudense de San Domingos.
