Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.
Tui será o escenario dun xogo de escapismo sobre “A comunidade xudía de Tui” que terá lugar este domingo 21 de setembro, ás 11.30 h. Comezará diante da Oficina Municipal de Turismo no Paseo da Corredoira. Esta actividade forma parte da programación do “Setembro xudeu en Tui”.
A gastronomía forma parte tamén da programación do Setembro Xudeu. Así o venres, 19 de setembro, celebrarase a “Cea Sefardí: Gastronomía, Música e Patrimonio no Parador de Tui”, con este menú especial, acompañado por música sefardí da man do grupo Kupala. A reserva para esta cea especial debe realizarse antes 15 de setembro no teléfono 986 600 300 ou no correo tui@parador.es cun prezo de 38€ por persoa.
O menú sefardí esta composto por estes pratos:
Este sábado, 13 de setembro, no marco do programa de actividades do “Setembro xudeu en Tui” terá lugar unha nova visita guiada que realizará un percorrido polo patrimonio xudeu, vinculado ás comunidades xudías e criptoxudías que habitaron no conxunto histórico tudense ao longo dos séculos. Comezará ás 11.30 h na Oficina Municipal de Turismo no Paseo da Corredoira.
Este xoves, 11 de setembro, terá lugar a proxección da película portuguesa “Sefarad” dirixida en 2019 polo cineasta portugués Luis Ismael. Esta proxección comeza ás 20 h no Espazo sociocultural da rúa Camilo José Cela.
Máis de medio millar de persoas participaron este verán nas seis actividades que conformaron o programa “Coñece o noso patrimonio”, organizado polo Instituto de Estudos Tudenses en colaboración coa Concellería de Turismo e Patrimonio do Concello de Tui.
Esta iniciativa pechouse cun éxito rotundo de participación nas rutas guiadas, conferencias e visitas especializadas a cargo de investigadores e expertos propostas ao longo dos meses de xullo e agosto, confirmando o crecente interese da cidadanía polo patrimonio cultural tudense.
Dentro do programa de actividades do “Setembro Xudeu” este domingo, 7 de setembro, ás 11.30 h terá lugar unha visita guiada cun percorrido pola ruta xudía no conxunto histórico tudense. Comezará na Oficina Municipal de Turismo no Paseo da Corredoira.
Esta itinerario estará cargo da guía Sara Quintana, que posúe unha dilatada experiencia nas visitas ao conxunto histórico tudense e que tamén está acreditada pola Red de Juderias de España como guía Rasgo, que certifica a súa formación sobre a herdanza xudía.
A programación do “Setembro xudeu” en Tui comeza este venres 5 de setembro ás 21.30 h na praza do Pracer. Será co concerto de música sefardí á luz das candeas “Arvolicos lejanos”, a cargo de 2nafronteira: Maurizio Polsinelli ao piano e Carmen Penim na voz.
A gran novidade deste espectáculo é a iluminación, que está baseada nas candeas. Así a praza do Pracer, en pleno conxunto histórico de Tui, converterase nun espazo intimista e cheo de simbolismo para acoller este concerto de música sefardí.
Tui afondará na súa rica historia e patrimonio coa celebración do “Setembro xudeu”, unha oferta de actividades que resaltan o papel histórico da cidade e o seu patrimonio vinculado coa presenza dunha comunidade xudía e criptoxudía ao longo de varios séculos. Este ano o tema é o “O Pobo do Libro” co que se salienta o esforzo colectivo das 21 cidades da Red de Juderias de España para preservar o legado sefardí e promover o coñecemento das contribucións históricas e culturais das comunidades xudías.
O programa de actividades é o seguinte:
Tui consolídase como o segundo lugar escollido polos peregrinos e peregrinas para iniciar a súa peregrinación a Santiago de Compostela. Así no pasado mes de agosto un total de 8.405 peregrinos comezou na nosa cidade o seu itinerario xacobeo. Unicamente Sarria, no Camiño Francés, supera a Tui con 25.639 persoas que iniciaron nesta vila lucense o seu percorrido.
Tui afondará na súa rica historia e patrimonio coa celebración do “Setembro xudeu”, unha oferta de actividades que resaltan o papel histórico da cidade e o seu patrimonio vinculado coa presenza dunha comunidade xudía e criptoxudía ao longo de varios séculos.
Ao longo deste mes de setembro ata doce propostas afondarán no coñecemento deste acervo histórico: visitas guiadas, música, gastronomía, películas, un programa semanal na Radio Municipal de Tui e outras actividades achegaran aos participantes a esta ampla oferta de carácter cultural e turístico.
