Este “Espazo para a Igualdade” nace co obxectivo de achegar información e recursos actualizados permanentemente en materia de igualdade e feminismo.
Deste xeito dase cumprimento á medida 1.4 do III Plan Municipal de Igualdade que recolle “difundir os programas, servizos e recursos municipais sobre información, asesoramento e asistencia a mulleres”.
O próximo luns, 2 de marzo, ás 12 h na Sala de Exposicións Municipal na Área Panorámica será inaugurada a exposición “Rompe. Xoga en igualdade”. Trátase dunha exposición itinerante da Deputación de Pontevedra que neste caso conta coa colaboración do Concello de Tui.
Do 2 de marzo ao 1 de abril a Sala de Exposicións Municipal na Área Panorámica acolle a exposición “Rompe. Xoga en igualdade”. Trátase dunha exposición itinerante da Deputación de Pontevedra que neste caso conta coa colaboración do Concello de Tui. Con esta actividade ábrense en Tui os actos para conmemorar o Día Internacional da Muller, promovidos dende a Concellería de Igualdade.
O martes, 3 de marzo, comezará a súa actividade en Tui o Club de Lectura Feminista “Tempo de Mulleres”. É unha iniciativa da concellería de Igualdade do Concello de Tui en colaboración coa Biblioteca Municipal. Reunirase cada primeiro martes de mes, de 19 a 20.30 h, até o mes de xuño.
O martes, 3 de marzo, comezará a súa actividade en Tui o Club de Lectura Feminista “Tempo de Mulleres”. É unha iniciativa da concellería de Igualdade do Concello de Tui en colaboración coa Biblioteca Municipal. Reunirase cada primeiro martes de mes, de 19 a 20.30 h, até o mes de xuño.
A Sala Xacobeo da Área Panorámica acolle o venres, 21 de febreiro, ás 19.30 h a charla "Como evitar as relacións tóxicas” a cargo da psicóloga xurídica, sexóloga e criminóloga especializada en igualdade de xénero Mónica Novas Dios.
Entre as cuestións que se abordarán na charla están as definicións de relación tóxica e relación sa, as claves para identificar unha relación tóxica (con exemplos destes tipo de vínculos perniciosos) e as causas que nos levan a establecelas e a mantelas.
A psicóloga xurídica, sexóloga e criminóloga especializada en igualdade de xénero Mónica Novas Dios impartirá este venres, 21 de febreiro, ás 19.30 h na Sala Xacobeo do Edificio Francisco Sánchez – Área Panorámica unha charla titulada “Como evitar as relacións tóxicas”. Este evento está organizado pola Concellería de Igualdade que dirixe a concelleira Ana Maria Núñez.
A casa do concello de Tui iluminarase de vermello na noite deste sábado ao domingo con motivo do Día Mundial da SIDA que se celebra este domingo 1 de decembro. O lema deste ano é “As comunidades marcan a diferenza” co que se quere recoñecer o papel fundamental que as comunidades teñen desempeñado e continúan a desempeñar na resposta ao SIDA a nivel local, nacional e internacional.
A casa do concello acolle até este venres a exposición das siluetas de mulleres do proxecto “Tui soña”. Todos os centros educativos de Tui participaron nesta iniciativa da concellería de Igualdade convocada co gallo do 25 de novembro, o Día Internacional da Eliminación da Violencia contra a Muller. Con este proxecto traballouse coas novas xeracións dende a educación sobre este tema.
Dentro da campaña “Tui en Negro” que se está a desenvolver en Tui promovida polo Concello de Tui, a través da concellería de Igualdade, este sábado impartirase o curso “Autodefensa para mulleres ante situacións violentas”, que foi concedido pola Secretaría Xeral da Igualdade da Xunta de Galicia.
Dentro da campaña “Tui en Negro” este domingo vaise realizar a I Andaina “Camiño á liberdade” contra a violencia de xénero. Sairá ás 11 h dende a praza de San Fernando para realizar un percorrido pola ruta dos Muíños do río Tripes, onde haberá unha muiñada. A ruta ten unha dificultade doada e o tempo estimado é de 2 h 30 minutos.
Para participar nesta andaina é preciso inscribirse até o propio domingo na Oficina de Turismo, no correo turismo@tui.gal ou no teléfono 677 41 84 05.
