Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O xoves, 14 de xullo, ás 22.30 h no Paseo Fluvial proxéctase a película "Stand by me".
Unha historia de amizade entre catro adolescentes baseada nun relato curto de Stephen King é a que nos achega “Stand by me”. Unha película dos 80 dirixida por Rob Reiner e interpretada por Wil Wheaton, River Phoenix, Corey Feldman, eJerry O'Connell,
Reserva de entradas dispoñibles dende o luns 12 ás 12 h → RESERVAR ENTRADAS
O Paseo Fluvial acollera seis proxección de cinema este verán ao abeiro da programación cultural. Haberá 300 prazas en cada unha delas que se poden reservar dende ás 12 h do luns da semana da proxección.
O mércores, 14 de xullo, ás 22.30 h no Paseo Fluvial proxectarase ."El viaje de Chihiro"
Chihiro, unha nena, chega a un mundo habitado por deuses antigos e seres fantásticos tras atravesar un túnel cando viaxaba en coche cos seus pais. Nese extraño lugar atopase con Haku, e cunha feiticeira chamada Yubaba.
Hayao Miyazaki é o director deste filme de animación, que recibiu o Óscar á mellor película de animación e o Oso de Ouro no Festival Internacional de Cine de Berlín en 2002.
O martes, 13 de xullo, ás 22.30 h, proxéctase no Paseo Fluvial "Zog y los doctores voladores"
Un dragón, unha princesa e un cabaleiro son os protagonistas de "Zog y los doctores voladores". Rompen os seus roles para coidar dos demais e curar a todo tipo de criaturas dende unha serea a un león, ou ao mesmo rei.
Unha divertida e tenra película de animación dirixida por Sean Mullen recomendada para público familiar dende os 3 anos.
Seis festivais, cinema, música, teatro e danza conforman a programación cultural que este verán se poderá gozar en Tui. Co lema “Saímos con sentidiño” dende o próximo martes 13 de xullo e até finais de setembro poderemos gozar dunha oferta cultural diversa, variada, e internacional con todas as medidas de seguridade. Vén recollida nun novo número da Axenda Cultural Corredoira da que se editan 12 mil exemplares. Está xa accesible en www.tui.gal.
Do 13 de xullo ao 26 de setembro de 2021 desenvólvese en Tui a programación cultural do verán baixo o título de "Saímos con sentidiño". Tres meses nos que a cidade albergará espectáculos de cinema, música, teatro e danza e seis festivais.
Este venres, 9 de xullo, ás 11 h no Cárcere Vello presentarase a programación do Verán Cultural 2021.
Mañá terá lugar o derradeiro concerto do alumnado e profesorado do Conservatorio Profesional e da Escola de Música de Tui, nun ciclo que comezou o pasado mes de xuño coa colaboración da concellería de Cultura.
A cita será mañá xoves, 8 de xullo, ás 19.30 h no Paseo da Corredoira. Actuarán conxuntos de gaitas, saxos, e vento metal formados por alumnado do Conservatorio, e tamén participarán alumnos solistas. Con diferentes formacións interpretarán composicións de distintos estilos dende o folk, a música clásica, pop, jazz ou BSO.
A Sala Municipal de Exposicións do Concello de Tui acolle, ata o vindeiro 10 de xullo, a mostra “Espazo do Eu”, realizada pola tudense Cora Novoa. Trátase do seu traballo de fin de grado realizado na Facultade de Belas Artes de Pontevedra da Universidade de Vigo.
Este xoves, 8 de xullo, ás 11.30 h terá lugar unha visita comentada á mostra “Espazo do Eu” a cargo da súa autora Cora Novoa. Poden asistir todas as persoas interesadas até completar o aforo establecido.
A exposición pode visitarse até este sábado na Sala Municipal, na Área Panorámica. A mostra é o traballo de fin de grado realizado pola artista tudense na Facultade de Belas Artes de Pontevedra, da Universidade de Vigo.
