O alcalde, Carlos Vázquez Padín, vén de remodelar as delegacións da alcaldía logo de que o concelleiro Andrés Urseira, por incompatibilidade laboral e de mutuo acordo co resto do equipo de goberno, deixará dúas das delegación que viña ocupando, como son as áreas de Deportes e Turismo. Porén seguirá ao fronte da Eurocidade e as Relacións Supramunicipais coma viña facendo dende o pasado mes de outubro.

O alcalde de Tui, Carlos Vázquez Padín, reunirase mañá xoves, 5 de xullo, ás 10h na Delegación do Goberno na Coruña co delegado Javier Losada para abordar cuestións previas relacionada solicitude de declaración de zona gravemente afectada por unha emerxencia de protección civil.

Mañá venres, 29 de xuño, ás 11h na sala de reunións da casa do concello de Tui terá lugar a presentación da III Feira do Peregrino organizada por ACITUI, a Asociación de Comerciantes e Industriais de Tui, coa colaboración do Concello de Tui.

Participarán na presentación o alcalde, Carlos Vázquez Padín, os concelleiros de Comercio e Cultura, Yovana Velázquez e Eduardo Freiría, respectivamente, e o presidente de ACITUI, Juan Carlos Blanco.

Como se comentara meses atrás, o goberno municipal de Tui aposta pola celebración do Pacto de Tui, unha festa que pon en valor a rica historia medieval da cidade vinculándoa á firma deste tratado que tivo lugar o 4 de xullo de 1137.

Mañá mércores, 27 de xuño, ás 11h, na sala de reunións da casa do concello de Tui presentarase a celebración do  “Pacto de Tui” que terá lugar o 6 e 7 de xullo na rúa Compostela. Comparecerán ante os medios de comunicación o alcalde, Carlos Vázquez Padín, o concelleiro de Cultura, Eduardo Freiría, e membros do grupo Son de Seu que actuarán na celebración do Pacto de Tui xunto a Teresa Salgueiro.

O alcalde de Tui, Carlos Vázquez Padín, vén de concretar ao presidente do goberno, Pedro Sánchez, as peticións do Concello de Tui para a atención á zona afectada pola explosión de material pirotécnico nun almacén clandestino rexistrada o pasado 23 de maio.

A corporación municipal de Tui reunirase en pleno de carácter ordinario este xoves, 28 de xuño, ás 20h no salón de sesión da casa do concello coa seguinte orde do día: 

A).- Parte resolutiva:

1º.- Aprobación, se procede, de borrador da acta da sesión ordinaria nº 6, de 31 de maio de 2018.

2º.- Expediente 1044/2018. Ditame da Comisión Informativa de Contas, Facenda, Patrimonio e Persoal de aprobación de Modificación de Crédito Extraordinario nº 1/2018 C) bases e premios concurso ideas reordenación frente fluvial.

Os once alumnos e alumnas da aula do Souto do CRA Mestra Clara Torres despediron hoxe o curso escolar 2017/18 no seu centro logo de que foran reparados os danos ocasionados pola explosión do pasado 23 de maio no barrio da Torre.   Até o colexio achegáronse esta mañá o alcalde de Tui, Carlos Vázquez Padín, a concelleira de Educación, Mila González, e o xefe territorial de Educación, César Pérez Ares. Estivo tamén presente a directora do CRA Mestra Clara Torres, Teresa Domínguez, a titora e pais e nais do alumando.

Máis de 300 deportistas participarán este domingo no V Campionato Ibérico de Kung Fu da Eurocidade Tui-Valença que se vai celebrar no pavillón municipal de Tui dende ás 10.30h.

Mañá xoves, 21 de xuño, ás 12.30 horas terá lugar un pequeno acto de reapertura da aula do Souto do CRA Mestra Clara Torres que resultara danada na explosión do pasado 23 de maio.

Asistirán o alcalde, Carlos Vázquez Padín, a concelleira de Educación, Mila González, o xefe territorial de Educación, César Pérez Ares, e a directora do CRA Mestra Clara Torres, Teresa Domínguez. Tamén estarán presentes a titora da aula, os nenos que mañá despedirán o curso na súa aula, e as súas familias.