Do mesmo xeito que fixeron o pasado mes de abril en Tui os municipios de Tui e Versmold renovan este sábado a irmandade entre ambas cidades cando se cumpren cinco anos da sinatura do convenio que tivo lugar o 6 de abril de 2013.

Ata Versmold viaxan xa hoxe aos concelleiros Estrella Carmen Muradás, Yovana Velázquez e Andrés Urseira, xunto a membros da asociación Tui-Versmold, mentres que o rexedor tudense chegará o sábado. Os membros da corporación aboarán do seu peto o importe da viaxe.

O próximo luns, 15 de outubro, ás 12h na Área Panorámica terá lugar a presentación do anteproxecto de urbanización da traseira de Área Panorámica como zona verde.

A presentación correrá a cargo do alcalde, Carlos Vázquez Padín, membros do equipo de goberno, e os arquitectos redactores do proxecto.

. Oito espectáculos conforman a oferta de Outono no Teatro Municipal de Tui que foi presentada esta mañá no propio teatro. Unha actividade que mantén a aposta de calidade, variedade, estabilidade e continuidade marcada ao longo dos últimos anos. Este traballo ten dado coma froito converter a este espazo escénico – que  o pasado mes de abril cumpriu 15 anos – nun referente cultural en Galicia e no norte de Portugal, que ten amais colleitado o respaldo do público coma demostra a media de espectadores cada ano.

O equipo de goberno de Tui vai levar a pleno este xoves as 20.00h a rebaixa de imposto do IBI e o IAE a modificación de crédito para dotar de premios o concurso de ideas de ordenación da fronte fluvial, a adquisición do teatro principal de Tui a solicitude de admisión de novas cidades a rede de xudarías de España e a modificación do PXOM que permitirá a rehabilitación do edificio da antiga aduana.

Na mañá do mércores o alcalde de Tui, Carlos Vázquez Padín reuníase en Santiago co presidente da Xunta, Alberto Núñez Feijóo, para tratar diversos asuntos relacionados cos investimentos e obras no Concello de Tui ademais de repasar diversos temas de importancia para Tui, entre eles, a situación dos veciños afectados pola explosión de Paramos.

Na mañá de hoxe no salón de sesións da casa do concello de Tui tivo lugar a presentación da terceira edición do festival Arraianos, que se celebrará en Tui dende este venres, 31 de agosto, ata este domingo, 2 de setembro.

A presentación correu a cargo do alcalde Carlos Vázquez Padín, o concelleiro de Cultura e Patrimonio, Eduardo Freiría, e a directora do festival, Andrea Costa.

Hoxe terá lugar a segunda das tres visitas ao conxunto histórico de Tui baixo o título “Coñece Tui co seu alcalde”.

Partirá ás 20.30h dende a praza da Inmaculada para realizar un percorrido, guiado polo alcalde, Carlos Vázquez Padín, pola rúa Tide, tunel das Clarisas, praza do Concello, praza da Misericordia, rúa Entrefornos, rúa Sanz, praza de San Fernando, rúa Seixas, Porta da Pía, rúa Ordóñez e Paseo da Corredoira.

Gastronomía, música, deporte, natureza… son parte dos ingredientes que terá o sábado, 18 de agosto, a VIII Festa do Miño.

“Coñece Tui co seu alcalde” é o título das tres visitas guiadas ao conxunto histórico de Tui que se van celebrar este domingo 12 de agosto, o luns 13 e o martes 14 guiadas polo alcalde e responsable de Turismo, Carlos Vázquez Padín.

Trátase dun percorrido dunha hora aproximadamente que partirá ás 20.30h dende a Praza da Inmaculada. O domingo realizarase en galego, o luns en castelán e o martes en inglés.  O alcalde conducirá aos asistentes polas rúas da cidade histórica.

O río Miño será o protagonista o próximo sábado, 18 de agosto, en Tui coa celebración do 47º Descenso Internacional do Miño e o 8º Descenso Popular do Miño organizado polo Club Kaiak Tudense Axuda Paramos, o Concello de Tui e a Federación Galega de Piragüismo. As dúas probas reunirán a máis de 1400 padeeiros batendo todo un récord de participación a catro días de que se peche a inscrición.