Máis de 2.100 alumnos e alumnas volven hoxe  mércores, 9 de setembro, ás aulas en Infantil, Primaria, Secundaria e Bacharelato en Tui. 

Dende o Concello de Tui ao longo das últimas semanas, aproveitando as vacacións estivais, executáronse obras de mantemento e posta a punto dos centros escolares de Infantil e Primaria.  A concelleira de Ensino, Cultura e Mocidade, Sonsoles Vicente, destaca os traballos realizados, con fondos propios, en todos os centros educativos do municipio, para que estivesen listos para este inicio do novo curso. 

A Aula CEMIT de Tui acollerá por segundo ano consecutivo un dos obradoiros do XI Scratch Day. A cita será o próximo sábado, 12 de setembro, de 9.30 h a 14 h. A actividade vai dirixida a rapazada con idades entre os 7 e os 15 anos acompañados dunha persoa adulta. 

Mañá abre o prazo para que asociacións culturais e asociacións de pais e nais presenten as solicitudes para as convocatorias de subvención que realiza o concello de Tui para a realización de actividades neste ano 2026 por parte destes colectivos.   O Concello de Tui destina de fondos propios 63.600 euros a estas convocatorias.

A Aula CEMIT de Tui acollerá o próximo mes de agosto a actividade “Argallando entre xeracións” dentro do programa Tech Kids. Este obradoiro desenvolverase o luns 3, martes 4 e mércores 5 de agosto en horario de 11 a 13.30 h dirixido a mocidade con idades entre os 12 e os 18 anos.

A bandeira da democracia lucirá en todos os centros educativos de Tui e no Agrupamento de Murallas do Minho en Valença. Esta bandeira de Educación e Democracia simboliza o compromiso colectivo das comunidades educativas cos valores da liberdade, da cidadanía e da participación, e que os centros educativos son espazos nos que se aprende a vivir en democracia.

O Parque Natural Monte Aloia e o río Miño serán mañá xoves e o venres o escenario de dúas xornadas de convivencia moi especiais para o alumnado de 6º de Primaria de sete centros educativos de Tui. Celebrase unha nova edición da Aloiada que cada ano promove actividade deportivas e de lecer, en espazos naturais privilexiados, entre 160 mozos e mozas que o próximo curso coincidirán nas aulas xa nos institutos. Cando a eles participarán na Aloiada 40 profesores e profesoras. 

Mañá mércores 10 de xuño, ás 11 h, no Espazo Sociocultural da rúa Camilo José Cela, terá lugar a presentación da Aloiada 2026, actividade organizada por sete dos colexios de Tui, en colaboración co Concello de Tui. Celebrarase este xoves 11 e venres 12 de xuño, contando coa participación de máis de 160 alumnos e alumnas de 6º de Primaria, e de 40 profesores e profesoras dos centros participantes.

Tui acollerá o próximo luns, 8 de xuño, a presentación da Campaña “A Bandeira da Democracia” e do número especial de Cuadernos de Pedagogía dedicado ao II Congreso Eurocidade Tui-Valença celebrado o pasado mes de xaneiro.

Na Sede Electrónica do Concello está publicada, dende o xoves 28,  a listaxe de requirimentos de emenda de documentación das solicitudes de praza presentadas para o Campamento de Verán 2026. Sinaláse un prazo de tres días hábiles contados a partir do día seguinte da súa publicación para emendar a falta ou achegar os documentos preceptivos. De non facelo considerarase que se desiste da solicitude.