O Programa Integrado de Emprego do Concello de Tui acadou xa o 46% de insercións laborais entre as 100 persoas participantes nos cinco primeiros meses de actividade. Supérase así xa o obxectivo fixado do 45% de inserción ao remate do programa previsto para dentro de seis meses. 

O alcalde de Tui, Enrique Cabaleiro, recibiu hai uns días ao Comité de Empresa de Maderas Iglesias xunto a representantes sindicais da CIG e UGT. Deste xeito o rexedor tudense coñeceu de primeira man a situación pola que atravesa a empresa con sede no Porriño que chegou a ser líder mundial na fabricación de tarimas flotantes. Actualmente a empresa conta con 169 persoas traballadoras das que 14 son de Tui.

Corenta e unha das cen persoas que están a participar no Programa Integrado de Emprego do Concello de Tui lograron a súa inserción laboral dende o mes de xaneiro.

Deste total, once persoas usuarias do Programa Integrado de Emprego e do Servizo de Orientación Laboral do Concello de Tui veñen de ser contratadas pola empresa PEPCO para a nova tenda que abriu hoxe no municipio.  

O Concello de Tui ven de contratar a 17 persoas a través do Plan Concellos para a activación do emprego da Deputación Provincial de Pontevedra 2023. 

En concreto 14  persoas foron contratadas coma peóns de horticultura e xardinería por un período de 6 meses, unha persoa coma oficial segunda carpinteiro e outra coma oficial segunda fontaneiro, ambos por un período de 9,5  meses, e por último unha auxiliar administrativo para o departamento de Cultura durante 6 meses.

O Centro Municipal de Formación, en Guillarei, acolle hoxe luns o proceso de selección do persoal para a nova tenda da empresa PEPCO en Tui. En concreto a cadea internacional de orixe polaca abrirá un novo establecemento de case 800 metros cadrados no Centro Comercial Outlet en Tui logo da Semana Santa.

Finalizado o prazo de presentación de alegacións, mediante Resolución da Concellería de persoal de data 24/03/2023 se aproba a lista definitiva, se nomea o tribunal e se estipula a data de constitución do tribunal e de realización da primeira proba do proceso selectivo.

Será o vindeiro venres día 31/03/2023 as 10:00 horas no edificio Francisco Sánchez (antiga Área Panóramica) sita na rúa Colón nº 2 36700 Tui.

O Concello de Tui entregou esta mañá unha serie de recoñecementos ás empresas e entidades colaboradoras  co emprego local en moi diversos ámbitos dende o institucional, asociativo e empresarial. Deste xeito quíxose plasmar o agradecemento do Concello de Tui con todos e todas cantos contribúen a mellorar a empregabilidade das persoas.  Foi no transcurso da xornada “Xuntos polo emprego” celebrada na Sala Félix Rodríguez, no edificio Francisco Sánchez.

Finalizado o prazo de presentación de instancias, mediante Resolución da concellaría delegada de persoal de data 17/03/2023, se ditou a relación provisional de admitidos e excluídos do proceso de selección para a formación de lista de reserva para nomeamentos interinos de prazas de auxiliar administrativo. O prazo para presentar alegacións é de tres días hábiles, prazo que remata o vindeiro mércores día 22/03/2023.

Unha vez realizadas as probas selectivas do proceso de contratación dun auxiliar administrativo dentro do Plan Concellos 2023, o tribunal publica as puntuacións provisionais; dado que existe empate nas puntuacións que non se pode  dirimir cos criterios previstos nas bases de selección, o tribunal convoca aos aspirantes empatados para o vindeiro mércores día 22/03/2023 as 08:15 horas para a realización do sorteo de desempate.

Os aspirantes dispoñen de 3 días hábiles (ata o 21/03/2023) para presentar alegacións as puntuacións provisionais.