O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
O pavillón municipal Gustavo Rodríguez de Tui acolle este sábado 10 e domingo 11 a Final a 4 de 2ª Autonómica Feminina e Masculina de Balonmán. Tui repite por segundo ano consecutivo coma sede dunha Final a 4, xa que ano pasado acolleu a da categoría cadete. Nesta ocasión será o equipo senior do Balonmán Tui quen buscará o ascenso.
Mañá martes, 6 de maio, ás 11.30 h, na sala de concelleiros da casa do concello de Tui, terá lugar a presentación da Final a 4 de 2ª Autonómica Masculina e Feminina de balonmán, que se disputará esta fin de semana, o sábado 10 e o domingo 11 de maio, no pavillón deportivo municipal Gustavo Rodríguez de Tui. Está organizada pola Federación Galega de Balonmán, en colaboración co Concello de Tui e o Club Balonmán Tui.
A Eurocidade Valença-Tui comeza o seu programa de andainas saudables de 2025 cun percorrido entre viñas e vales
A primeira cita deste ciclo será o próximo domingo, 11 de maio, co Trilho Entre Viñas e Vales. Sairá ás 10 h ES da igrexa de Ganfei en Valença para realizar un percorrido de 7 quilómetros.
Este ciclo de andainas, que forma parte do calendario deportivo da Eurocidade, consolídase como unha proposta transfronteiriza que combina actividade física, posta en valor do patrimonio natural e histórico tanto de Tui coma de Valença.
A Eurocidade Tui-Valença continúa a promover o calendario de andainas saudables. Este é o programa para o ano 2025:
Domingo, 11 de maio, ás 10 h ES
Andaina Entre Viñas e Val
Lugar de saída: Igrexa de Ganfei
Distancia: 7 km
Sábado, 26 de xullo, ás 21.30 h ES
Sunset Fortaleza
Lugar de saída: Porta do Sol
Distancia: 5 km
O Concello de Tui vén de rematar as obras de remodelación nas pistas de tenis municipais situadas en Areas, unha actuación que permite mellorar de xeito significativo estas instalacións deportivas de uso habitual por parte da cidadanía e do Club Tenis Tui.
As actuacións realizadas incluíron a renovación integral do valado perimetral, a recolocación do valado separador entre pistas, a substitución dos antigos focos por iluminación LED de maior eficiencia e menor consumo, así como o pintado dos vestiarios e do almacén, mellorando a imaxe e funcionalidade deste espazo deportivo.
Este é o programa previsto:
16:00 h – Concurso de Salto Hípico “Cidade de Tui”
Organiza: Club Hípico Equigalia
Categorías: Barras / Cruzadas 0.50 / 0.80 / 1 m
Inscricións: 620 826 754 (Paula López)
Premios aos 5 primeiros de cada categoría e medallas para todas as persoas participantes.
Gran acollida á peregrinación especial impulsada pola Eurocidade Tui-Valença no marco das Xornadas Europeas do Camiño de Santiago, e que nos meses de maio e xuño percorrerá o trazado oficial portugués do Camiño Portugués da Costa, dende a cidade de Caminha ata Santiago de Compostela.
A poucos días de que comece esta actividade apenas quedas unhas prazas vacantes para as etapas do 24 e 25 de maio, e do 7 e 8 de xuño, e unha para realizar as oito de que consta o Camiño Completo.
Tui vivirá esta fin de semana unha nova edición da Concentración Cabalar de San Telmo que conta cunha tradición secular, e que este ano amplía a súa duración a tres días. O evento, organizado conxuntamente polo Concello de Tui, Equigalia e Hípica Marcos, deu dende hai uns anos un importante salto en calidade tanto nas condicións do recinto no barrio de San Bartolomeu onde se celebra, coma no programa de actividades previsto.
A Carreira Popular de San Telmo celebrarase o sábado, 26 de abril, dentro das festas de San Telmo, organizada polo Club Atletismo Tui e o Concello de Tui. Este ano será I Memorial Xosé Martínez Tato, en recoñecemento ao seu labor coma primeiro organizador deste evento deportivo, do que estivo ao fronte ao longo de moitos anos.
Están xa abertas as inscricións para a Carreira Popular de San Telmo que se vai celebrar o sábado, 26 de abril, dentro das festas de San Telmo, organizada polo Club Atletismo Tui e o Concello de Tui. Este ano será I Memorial Xosé Martínez Tato, en recoñecemento ao seu labor coma primeiro organizador deste evento deportivo, do que estivo ao fronte ao longo de moitos anos.
