Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
A cidade de Tui súmase, un ano mais, á celebración das Xornadas Europeas da Cultura Xudía cun amplo programa de actividades que abrangue dende o xoves 1 de setembro ata o domingo 11 de setembro. Unha renovada oferta de actividades para difundir e valorizar o amplo patrimonio cultural tudense ligado á presenza da comunidade xudía e logo sefardí neste territorio de fronteira.
Tui súmase un ano máis á celebración da Xornada Eupea da Cultura Xudía, coma un dos municipios pertencentes á Red de Juderías. O programa previsto é o seguinte:
'Cigarreiras’ de Contraproducións pechará a programación cultural de outono en Tui. Baseada na obra La Tribuna de Emilia Pardo Bazán, a peza conta cunha gran posta en escena dominada por sete actrices, conxuga o ton propio dun drama individual e colectivo con outros tons máis frescos, lixeiros e mesmo cómicos, tan característicos da obra narrativa da célebre autora coruñesa.
‘Hugo’, da compañía Os Náufragos, é un espectáculo teatral infantil que conta a historia deste rapaz diferente. A Hugo, diagnosticado con TEA, trastorno do espectro autista, gústanlle moito os avións e tamén toca o piano. Laia o visita cada día, e a ela gústalle falar e as plantas. Hugo é unha peza que fala da empatía, da necesidade de comunicarnos e da beleza da diferencia. A cita será o venres, 18 de novembro, ás 19.30 h no Teatro Municipal.
O cinema volve a Tui coa programación de ‘Cuñados’, o filme de Toño López, lanzado no 2021 e que conta cun elenco de rostros coñecidos en Galicia como Xosé Touriñán ou Miguel de Lira. Neste filme de comedia cóntase as peripecias que terán que levar a cabo os dous protagonistas, Eduardo e Sabonis, logo de meter a pata nun dos seus negocios. Agora precisan diñeiro, moito diñeiro. Poderá verse o venres, 11 de novembro, ás 21.30 h no Teatro Municipal.
‘Natanam’ será a proposta da compañía Da.Te Danza para comezar novembro no apartado cultural. A cita será o venres, 4 de novembro, ás 19.30 h no Teatro Municipal. Galardoado con varios recoñecementos, entre eles o premio FETEM 2021, trátase dun espectáculo de danza para a primeira infancia e familias, con dirección de Omar Meza e a interpretación de dous bailaríns, María José Casado e Raúl Durán.
‘A cazola de Lola’, da compañía Tanxarina Títeres será a proposta para o venres 28 de outubro en Tui ás 19.30 h no Teatro Municipal. Interpretado por Eduardo Cunha “Tatán”, Miguel Borines e Andrés Giráldez, conta a historia do cazo que Lola sempre arrastra. Un día, caiulle enriba. Non sabe moi ben por que pero dende entón Lola xa non é como os demais. Necesita moito agarimo, é moi sensible e ten un gran sentido artístico.
Butacazero presentará o venres, 21 de outubro, ás 21.30 h, no Teatro Municipal a súa ópera contemporánea ‘Papagena’. Trátase dunha ópera electrónica nacida a partir da figura da personaxe homónima da Frauta Máxica de Wolfgang Amadeus Mozart.
O grupo Píscore chega ao Teatro Municipal de Tui o venres, 14 de outubro, ás 19.30 h co seu espectáculo musical Concerto con fusión. Interpretado por Pepe Varela, Diego Rosal, Félix Rodríguez e Pablo Cabanelas, e con dirección de Fran Rei, o espectáculo fusiona música, teatro, humor, comedia gestual, clown e a participación do público.
Talía Teatro interpretará, o venres 7 de outubro ás 21.30 h no Teatro Municipal unha adaptación da clásica obra do italiano Darío Fo, ‘Morte accidental dun anarquista’. Nela se tratan os sucesos reais ocorridos nos Estados Unidos en 1921, e que teñen inspiración nas circunstancias que rodearon a morte do ferroviario Giuseppe Pinelli en Milán un ano antes da estrea da obra orixinal.
