A Biblioteca Pública Municipal de Tui vén de ser galardoada no Concurso de Proxectos da Campaña de Animación Lectora “María Moliner” 2024, na súa 24ª edición. Este prestixioso concurso, promovido polo Ministerio de Cultura e Deporte, premia os mellores proxectos dirixidos a toda a veciñanza, con especial atención a colectivos con dificultades para acceder á lectura, levados a cabo por bibliotecas públicas en municipios con menos de 50.000 habitantes.

Este sábado, 26 de outubro, de 10.30 a 13.30 h celebrarase na Sala Municipal de Exposicións un obradoiro de debuxo manga/cómic a cargo Coral Martínez, licenciada en Belas Artes e docente especializada en cómic que ten traballado para DC Comis e Disney. Vai dirixido á mocidade de 12 a 18 anos.

Forma parte do programa Boas Vives. Para participar é preciso inscribirse en igualdade@tui.gal ou no formulario habilitado na web municipal tui.gal.

A mostra  “A exposición secuestrada. Estampa Popular Galega, Tui-1968” inaugurada o pasado 27 de setembro na Sala Municipal de Exposicións do Concello de Tui amplía o prazo de visita do público ata o 16 de novembro á vista do éxito de público e ás numerosas petición recibidas ao respecto.

Un roteiro nocturno polo conxunto histórico é unha das propostas que haberá en Tui para celebrar o Samaín. O concello de Tui organiza esta actividade para o próximo xoves, 31 de outubro, de nove da noite a unha da madrugada ofrecendo aos participantes a oportunidade de descubrir os segredos agochados polas rúas empedradas e os túneles desta zona da cidade, redescubrindo Tui dende unha perspectiva distinta.   

A Biblioteca Pública Municipal de Tui acolle este xoves, 24 de outubro, ás 17.30 h a celebración do “Día da Biblioteca” con “Burromaquia” actividade dirixida ao público infantil a cargo de Inacio Viñariño de Fantoches Baj.

A escritora Rexina Vega estará mañá mércores en Tui para manter un encontro coas persoas integrantes dos clubs de lectura tudenses sobre o seu último libro “O teu perfil na miña sombra” publicado este ano en Galaxia. Unha actividade que promove a concellería de Igualdade do Concello de Tui.

O Concello de Tui colabora na campaña de doazón de voz realizada polo proxecto Nós que ten por obxectivo rexistrar as voces da cidadanía para recoller as variedades fonéticas e dialectais do Baixo Miño para que a lingua galega estea tamén presente nas novas tecnoloxías. A campaña chegará a Tui o próximo xoves, 24 de outubro.

Mañá xoves, 17 de setembro, ás 17.30 h na Biblioteca municipal tudense terá lugar unha nova sesión de contacontos a cargo de “Bandullo Azul” co seu espectáculo “Filipa cos contos”. Esta actividade forma parte do programa de “Outubro: mes da biblioteca” que achega diversas actividades de animación á lectura ao longo deste mes.

Un espectáculo musical e teatral para público familiar é o que chega este venres ao Teatro Municipal de Tui dentro da programación de outono. Será “A trompa non é so cousa de elefantes” da man de Catro cores. Esta formación integrada Ana Vergara, Aida Lozano, Mónica García e Alma Sarasola é o único cuarteto de trompas de Galicia.