Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O Concello de Tui convoca as bolsas bolsas de estudo para Ensinanzas musicais curso 2019-2020.
Publicáronse no BOPPO o luns 23 de decembro de 2019.
O prazo de presentación de solicitudes é de 20 días hábiles, contados a partir do día da publicación do extracto desta convocatoria no boletín oficial da provincia
Os Reis Magos, Melchor, Gaspar e Baltasar, chegarán en tren á Eurocidade Tui-Valença o próximo domingo 5 de xaneiro de 2020. Ás 16 hora galega está prevista a súa chegada á estación de tren de Valença, para iniciar o seu percorrido internacional polas avenidas do Colegio Portugués, Miguel Danzas, rotonda da Trapicheira, e avenida de Espanah en Valença até a vella Ponte Internacional, e logo continuará pola avenida de Portugal, Martínez Padín, Agusto González Besada e o Paseo da Corredoira.
Mañá venres, 27 de decembro, ás 21h no Teatro Municipal de Tui celebrarase o Concerto de Fin de Ano. Correrá a cargo de catro agrupacións tudenses a Banda de Música Popular de Tui e as corais do Centro Sociocomunitario, Ponte das Febres e San Telmo que ofrecerán un repertorio no que primarán as panxoliñas e as composicións da familia Strauss.
Catro agrupacións tudenses serán as encargadas do Concerto de Fin de Ano que o próximo venres, 27 de decembro, ás 21 h se vai celebrar no Teatro Municipal de Tui. A música chegará da man da Banda de Música Popular de Tui e das corais do Centro Sociocomunitario, Ponte das Febres e San Telmo que ofrecerán un repertorio no que primarán as panxoliñas e as composicións da familia Strauss.
Dende o próximo luns, 23 de decembro, os nenos e nenas serán os grandes protagonistas na programación “Tui, Camiño do Nadal, o camiño natural”.
Mañá venres, 19 de decembro, ás 11 h na sala de reunións da casa do concello de Tui presentarase o concerto de Fin de Ano que terá lugar o próximo venres, 27 de decembro.
Cheo total é o que se agarda esta fin de semana no espectáculo “Conto de Nadal” no Teatro Municipal. Este evento ten creado gran expectación o que ten feito que as entradas se teñan esgotado nuns días na venda on-line e se reservan 50 entradas para a función do sábado e 50 para o domingo que se porán á venda no despacho de billetes, hora e media antes do comezo.
Debido as adversas condicións meteorolóxicas a visita guiada foi aprazada.
Este sábado, 21 de decembro, ás 17 h partirá da praza de San Fernando a visita guiada ao Nadal no patrimonio tudense.
Esta actividade é froito da colaboración entre o Concello de Tui e o Instituto de Estudios Tudense para a promoción e divulgación do noso patrimonio cultural.
Realizará un percorrido polas pegadas que o Nadal ten nos bens culturais integrantes do patrimonio tudense sendo algúns dos principais enclaves a Catedral de Tui e a igrexa de San Domingos.
“Cuentos con moito conto” é o título do cd solidario que vén de editar o CRA Mestra Clara Torres de Tui con nove historia de OQO editora narradas en galego e castelán. Porase á venda ao prezo de 10€ e os fondos recadados serán para os dous nenos que quedaron orfos na explosión rexistrada o pasado ano en Paramos.
Dentro da programación “Tui, o Camiño do Nadal, o camiño natural” este sábado, 21 de decembro, realizarase unha visita guiada ao Nadal no Patrimonio Tudense. Esta actividade é froito da colaboración entre o Concello de Tui e o Instituto de Estudios Tudense para a promoción e divulgación do noso patrimonio cultural.
