Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Unha historia de amizade entre un neno e un extraterrestre é a que poderemos gozar o venres, 31 de xullo, ás 22.15 h no Paseo Fluvial no cinema da programación de verán. Será coa proxección de "E.T." dirixda en 1982 dirigida por Steven Spielberg e protagonizada por Henry Thomas. A capacidade é 300 persoas previa reserva de entradas en www.enterticket.es.
Fantoches Baj presenta o xoves, 30 de xullo, ás 21 h o espectáculo "Os romeiros do caracol" no Paseo da Corredoira. Terá capacidade para 100 persoas previa reserva de entrada en www.enterticket.es.
A charanga Cantos Somos percorrerá as rúas de Tui coa música o mércores, 29 de xullo, dende ás 21 h durante unha hora. Amenizará así esta tarde estival dende a praza de San Fernando nun percorrido polo centro urbano.
A rúa Compostela acolle o domingo 26 de xullo, ás 22.30 h, o concerto "Cantarelas" de Leilía. Ana Rodríguez, Rosario Rodríguez, Montse Rivera, Felisa Segade, Patricia Segade e Mercedes Rodríguez celebran os seus trinta anos no mundo da música folk tradicional coma Leilía. En CantarElas aunan temas emblemáticos con outros menos coñecidos, cun percorrido polas distintas sonoridades do grupo.
Lelía naceu en 1989 da man destas seis mulleres que querían recuperar do esquecemento a tradición oral galega.
O autocine é unha das novidades de programación do verán cultural de 2020 en Tui. Estréase o venres, 24 de xullo, coa proxección da película "Grease" protagonizada por John Travolta e Olivia Newton John. Será no aparcamento municipal, na traseira da Área Panorámica, cunha capacidade para 100 coches. Esta comedia romática musical foi rodada en 1978 baixo a dirección de Randal Kleiser. Está ambientada nos anos 50, e conta a historia de amor entre Danny Zuko e Sandy Olsson.
Dani García presenta o xoves, 23 de xullo, ás 21 h, no Paseo da Corredoira o espectáculo d emaxia "Don Gelati" con capacidade para 100 persoas.
Un curioso vendedor de xeados, Don Gelati, chega á praza principal do pobo, pero sofre constantes infortunios co seu carriño que terá que solucionar rapidamente. Dani García iniciouse no ilusionismo con Lorc&julit. Formouse tanto en España coma nos Estados unidos. Ten actuado en África, Oriente Medio, Europa e Estados Unidos.
O mércores, 22 de xullo, ás 21 h, na praza de San Fernando a Banda de Música Popular de Tui ofrece o seu segundo concerto dentro da programación do verán "Volvemos á rúa". Será baixo a dirección de Eloy Carrera Bernárdez.
Será cun concerto con capacidade para 100 persoas. Débese facer reserva previa de entradas dende o luns 20 de xullo, ás 12 h, en www.enterticket.es, cun máximo de tres localidades por persoas.
O cinema chega dentro da programación "Volvemos á rúa" ao Paseo Fluvial. O venres, 17 de xullo, as 22.30 h proxectarase "Súper López" con capacidade para 300 persoas.
Javier Ruiz Caldera dirixe esta comedia e superheroes interpretada por Dani Rovira, Alexandra Jiménez, Julián López, Maribel Verdú, Pedro Casablanc, entre outros.
Música, humor, ritmo e comedia xestual son os elementos que combina en escena a compañía Píscore. Creada en 2016 está formada por Pepe Varela, Diego Rosal, Félix Rodríguez e Pablo Cabanelas. O xoves, 16 de xullo, ás 21 h no Paseo da Corredoira presentan o seu espectácilo "Concerto Singular" con capacidade para 100 persoas.
A Banda de Música Popular de Tui abre a programación cultural do verán o mércores, 15 de xullo, ás 21 h na praza de San Fernando. Será cun concerto con capacidade para 100 persoas. Débese facer reserva previa de entradas dende o luns 13 de xullo, ás 12 h, en www.enterticket.es, cun máximo de tres localidades por persoas.
O acceso farase dende ás 20.30 h por orde de chegada. As entradas non validadas ás 20.50 h poderán reasignarse a outra persoa.
