Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
A proxección de "Mascotas 2" pecha o venres, 21 de agosto, ás 22 h no Paseo Fluvial o cinema ao aire libre dentro da programación do verán en Tui. A capacidade está limnitada para 300 persoas previa reserva de entrada en www.enterticket.es
Novas aventuras de Max, Gidget e Snowball neste filme de animación dirixido por Chris Renaud e Jonathan del Val.
"Baila con un vestido verde" é o título do espectáculo de rúa que Pistacatro presenta o xoves 20 de agosto, ás 21 h, no Paseo da Corredoira. Marta Alonso en "Baila con un vestido verde" emprega a danza para xogar e convidar ao espectador a xogar.
A capacidade está limitada a 100 espectadores previa reserva de entrada en www.enterticket.es.
O mércores, 19 de agosto, ás 21 h, a sección de madeira da Banda de Música Popular de Tui ofrece un concerto baixo a dirección de Eloy Carrera Bernárdez. Estaba previsto na praza de San Fernando, pero debido á previsión de choiva realizarase no Teatro Municipal.
Será cun concerto con capacidade para 100 persoas. Débese facer reserva previa de entradas dende o luns 17 de agosto, ás 12 h, en www.enterticket.es, cun máximo de tres localidades por persoas.
O domingo, 16 de agosto, ás 22 h, terá lugar na Teatro Municipal o concerto “As músicas do Camiño” de Roi Casal. Debido á previsión de choiva foi trasladado ao Teatro Municipal, xa que inicialmente estaba previsto na rúa Compostela.
Poderán asistir ao concerto 150 persoas tras reservar previamente entrada en www.enterticket.es.
"Joker" é o título da segunda película que poderá visionarse este verán no autocine, no aparcamento municipal na traseira da Área Panorámica.. Conta cunha capacidade para 100 coches.
Todd Phillips dirixe a Joaquin Phoenix, Robert De Niro, Zazie Beetz, Frances Conroy, Brett Cullen, Bill Camp, entre outros. Ambientada en Gottam relata a historia de Arthur Fleck cuxa única motivación na vida é facer rir á xente. O seu soño é actuar coma cómico diante do público, pero os seus problemas mentais fan que a xente o mire coma un bicho raro.
Ghazafelhos Teatro presenta o xoves, 13 de agosto, ás 21 h no Paseo da Corredoira o espectáculo rúa con “Acuario” con capacidade para 100 persoas.
"Acuario" está baseado no libro homónimo de poemas de María Canosa. O seu obxectivo é que a xente miúda da casa se achegue á poesía en lingua galega á vez que aprende os nomes dos peixes e descobre a riqueza biolóxica (e gastronómica) do noso litoral. Todo dun xeito ameno e divertido con vistosos monicreques, e co humor e dinamismo dos actores Pepablo Patiño, Marisa Canosa e Montse Piñón.
A sección de metal da Banda de Música Popular de Tui ofrecerá un concerto o mércores, 12 de agosto, ás 21 h na praza de San Fernando. Será cun concerto con capacidade para 100 persoas. Débese facer reserva previa de entradas en www.enterticket.es, cun máximo de tres localidades por persoas.
O Paseo Fluvial acollerá o venres, 7 de agosto, ás 22.15 h a proxección da película "Peter Rabbit" dentro da programación do verán en Tui. A capacidade está limnitada para 300 persoas previa reserva de entrada en www.enterticket.es
A personaxe creada por Beatrix Potter vive novas aventuras nun filme dirixido por Will Gluck e protagonizado por Dani Rovira, Belén Cuesta e Silvia Abril.
O xoves 6 de agosto, ás 21 h, chega ao Paseo da Corredoira o espectáculo de novo circo “C´est pas possible” da man de Sempre Arriba. Vai dirixido a público familiar a partir dos 2 anos. A capacidade está limitada a 100 espectadores previa reserva de entrada en www.enterticket.es.
Marta Iglesias convida nesta obra de rúa a saír da rutina e gozar con aquilo que nos gusta.
“Volvemos á rúa!” é o lema da programación cultural que este verán se vai desenvolver en Tui. O alcalde de Tui, Enrique Cabaleiro, e a concelleira de Cultura e Ensino, Sonsoles Vicente, foron esta mañá os responsables da presentación desta oferta cultural que se vai desenvolver dende o mércores 15 de xullo.
