Tui conta cunha longa tradición industrial e comercial, cunha importante actividade dende inicios do século XX, marcada en boa parte polas relacións comerciais con Portugal. Na actualidade a cidade mantén esa tradición cunha presenza de comercios de diversos sectores, ao que se suma a existencia, no Parque Empresarial de Areas, dun centro comercial Outlet. Semanalmente, os xoves, celébrase un mercado nas rúas novas e no Paseo da Corredoira. Tamén o Mercado de Abastos rexistra unha importante actividade sendo os días prinicipais os xoves e os sábados.
Listaxe 0 de solicitudes denegadas por non cumplir os requisitos establecidos nas Bases reguladoras do Programa municipal de axudas extraordinarias de emerxencia “Reactiva Tui”
Comunícase que tras a apertura do mercadillo no novo emprazamento o pasado día 18/06/2020, os vendedores ambulantes que, tendo a súa licenza renovada para exercer a súa actividade no ano 2020, NON OCUPEN os seus postos sen razón acreditativa xustificada, por parte deste Concello iniciarase expediente de revogación nos termos do artigo 9 do Regulamento de venda ambulante do Concello de Tui (BOPPO 124 do 1 de xullo de 2013): “ AR
Dende mañá xoves, 18 de xuño, volverá celebrarse o mercado semanal dos xoves en Tui. Para cumprir coas medidas sanitarias derivadas da actual situación dende o Concello decidiuse o cambio de emprazamento do mercado cara á zona de Camfran, entre a prolongación de Casal Aboy e a Avenida de Concordia, cunha superficie de case 15 mil metros cadrados.
O Concello está a realizar obras de mellora e acondicionamento no recinto, consistentes no acondicionamento e homoxeneización do espazo, o que redundará nun espazo máis seguro ante a actual situación.
O luns, 15 de xuño, abre o prazo de presentación de solicitudes para as axudas extraordinarias de emerxencia Reactiva Tui. O martes, 9 de xuño, publicáronse no BOPPO as bases destas axudas, tras ser aprobadas en pleno o pasado 28 de maio, e onte venres publicouse o extracto das mesmas, o que da inicio ao prazo de presentación de solicitudes dende o luns e durante un período de 15 días.
Extracto do acordo Pleno en sesión ordinaria de 28 de maio de 2020, pola que se aproban as "Bases reguladoras do programa municipal de axudas extraordinarias de Emerxencia "Reactiva Tui", dirixidas ao mantemento do tecido empresarial municipal"
Bases Reguladoras do Programa Municipal de Axudas Extraordinarias de Emerxencia “Reactiva Tui” e anexos publicadas no BOPPO nº109 do martes, 9 de xuño de 2020.
Reactiva Tui é o nome do Programa Municipal de Axudas Extraordinarias de Emerxencia que ten coma obxectivo mantemento e impulso do tecido empresarial local. Onte en pleno foron aprobadas as bases reguladoras deste programa ao que o Concello de Tui destinará 280 mil euros, procedentes do remanente de tesourería, para impulsar os negocios que tiveron que pechar debido á Covid-19.
Hoxe martes, 26 de maio, ás 20.30 h realizarase a presentación virtual da plataforma comercial É Tui para o sector comercial local.
Terá lugar a través de Zoom
Datos de acceso:
“É Tui” é o nome da plataforma comercial en liña que lanza o Concello de Tui para apoiar ao tecido comercial local. Trátase dunha plataforma moi visual, de imaxe atractiva, doado uso e identidade propia que marcará a diferencia do comercio tudense. Incorpora importantes novidades respecto a outras plataformas similares do mercado. Estará accesible en 4 idiomas: galego, castelán, portugués e inglés. Está previsto que comece a funcionar na primeira semana de xuño
O comercio local comezará a próxima semana a distribución de 3.600 máscaras hixiénicas reutilizables elaboradas polo grupo “Bicho fóra”. Este grupo realizou xa con anterioridade outras 3 mil máscaras.
