A  Lei de prevención e defensa contra os incendios forestais o seu artigo 37.1 establece que en todos os terreos forestais e zonas de influencia forestal, durante a época de perigo alto de incendio forestal, os artefactos que leven aparellado o uso do lume, así como a utilización de fogos de artificio, o lanzamento de globos e doutros artefactos pirotécnicos, que en todos os casos estean relacionados coa celebración de festas l

A Axenda Urbana de Tui pechou o seu proceso participativo e convoca ás directivas de asociacións, colectivos, comunidades de montes e clubs deportivos á presentación do informe de diagnose que terá lugar este mércores, 20 de xullo, ás 20:30 horas no salón de plenos da Casa do Concello.

Cinco persoas voluntarias de Grecia, Italia, Eslovaquia, Letonia e España realizan este verán labores de sostenibilidade, interculturalidade, promoción da inclusión social, … en Tui e no Camiño Portugués.  Estas cinco persoas participan no proxecto Xacobeando liderado pola Xunta de Galicia, e que supervisa a asociación guardesa FOCO.

A Axenda Urbana de Tui pechou o seu proceso participativo con máis de trescentas enquisas telefónicas realizadas, 230 enquisas en liña recollidas e un proceso participativo no que se implicaron preto de cen membros de directivas de asociacións, colectivos, clubs deportivos e comunidades de montes.

24 funcións,  17 espectáculos e 5 localizacións conforman a segunda edición de FIAR, o Festival Internacional de Artes de Rúa que terá lugar o venres 22, sábado 23 e domingo 24 na Eurocidade Tui-Valença financiado con fondos europeos do Interreg España – Portugal a través do proxecto Unicidade.

A presentación do festival tivo lugar esta mañá na antiga alfándega de Valença por parte do alcalde, Enrique Cabaleiro, e do presidente da Cámara de Valença, José Carpinteira.

Mañá venres, 15 de xullo, ás 11 h na antiga alfándega de Valença terá lugar a presentación do Festival Internacional de Artes de Rúa da Eurocidade Tui-Valença, FIAR que se vai celebrar do venres 22 ao domingo 24 deste mes de xullo.

A presentación correrá a cargo do alcalde, Enrique Cabaleiro, e do presidente da Cámara de Valença, José Carpinteira.

Este venres, 15 de xullo, e o sábado, 16 de xullo, celebraranse no Teatro Municipal as I Xornadas Xurídicas de Tui.

Este venres, ás 19 h, celebrarase a primeira ponencia titulada “O tráfico de drogas” a cargo do Luís María Uriarte Valiente, fiscal da Fiscalía Especial Antidroga.

O Consorcio de Augas do Louro e Aqualia activaron o Plan de emerxencia contra a seca nos catro Concellos que xestionan, Tui, Mos, O Porriño e Salceda de Caselas. Estas medidas tamén afectan os concellos que se abastecen desde as instalacións do Consorcio, Tomiño, O Rosal e A Guarda.

Ante a Vaga de Calor dende o Consorcio de Augas do Louro, para evitar problemas de presión e caudal, recomenda minimizar os consumos de auga ou desprazalos á noite nas parroquias de Caldelas, Baldráns, Paramos e Guillarei. 

Máis de 2.800 persoas solicitaron información durante o mes de xuño na Oficina Municipal de Turismo, situada no Paseo da Corredoira.  Das 2.873 persoas que se achegaron até este punto de información 1.176 eran peregrinos e 1.697 turistas.