Pexegueiro contará tamén co programa Cultiva a Mente, que este novo curso chegará a nove parroquias tudenses.  As persoas interesadas neste novo grupo de actividade poden realizar xa a súa inscrición descargando da web municipal a ficha de solicitude e presentándoa por sede electrónica en https://concellotui.sedelectronica.gal/ ou directamente nos Servizos Sociais na casa do concello. Pódese ampliar esta información no 986 60 36 25 ext. 25 ou no 607 194 175.

O próximo mes de outubro comezará unha nova temporada do programa Cultiva a Mente posto en marcha polo Concello de Tui coa colaboración de AFAGA. Este ano esta actividade celebrarase en oito parroquias tudenses ao incorporarse Malvas e continuar en Areas, Caldelas, Guillarei, Pazos de Reis, Randufe, Rebordáns, e Ribadelouro.

Cultiva a Mente busca promover un envellecemento activo e saudable das persoas maiores de 55 anos  a través de diversas actividades, ao tempo que fomenta a sociabilidade ao ser unha actividade grupal.

Un neno saharauí de 8 anos, Yusef Abderrahman,  pasará o verán en Tui no seo dunha familia de acollida. Grazas ao programa Vacacións en Paz que organiza Solidariedade Galega co Pobo Saharauí, SOGAPS, este cativo pasará os meses estivais na cidade.

Esta mañá tivo lugar na ribeira de Caldelas a clausura do programa Cultiva A Mente que se desenvolveu dende o pasado outono en sete parroquias tudenses: Areas, Caldelas, Guillarei, Pazos de Reis, Randufe, Rebordáns e Ribadelouro. No acto estiveron presentes o alcalde, Enrique Cabaleiro, o concelleiro de Servizos Sociais, Ismael Diz, e o presidente de AFAGA, Juan Carlos Rodríguez.

A semana pasada rematou o curso “Coidándo-me” que dende o mes de marzo se impartiu no Centro Sociocomunitario de Tui, organizado polo Concello de Tui en colaboración con AFAGA, a Asociación de Familiares de Enfermos de Alzheimer e outras Demencias de Galicia.

O Servizo de Prevención de Drogodependencias do Concello de Tui levou a cabo unha serie obradoiros dirixidos ao alumnado de 6º de Primaria do CEIP de Rebordáns e do CEIP nº2 con motivo do Día Mundial Sen Tabaco que se celebra mañá, 31 de maio. 

Nestes obradoiros o alumnado recibiu información sobre os efectos nocivos do tabaco. Nos mesmos elaboraron cartas dirixidas a fumadores, tanto para animalos a deixar o tabaco, coma agradecerlles o esforzo a aqueles que foron capaces de deixar este hábito.

Un total de 105 alumnos e alumnas e  profesores e profesoras de 4º de ESO do IES San Paio, asistiron esta mañá á proxección da segunda película do programa "O Cine nas Aulas", no Teatro Municipal de Tui.

A través do filme proxectado o alumnado traballará sobre os mitos do alcohol, reflexionará sobre os diferentes roles de mulleres e homes; e sobre a importancia que ten a procura da nosa propia identidade.

Esta xa habilitado na web municipal un formulario para que a veciñanza poida ofrecer a súa axuda á poboación ucraína. 

Deste xeito búscase coñecer os recursos, tanto materiais coma humanos, cos que se pode contar en Tui  para axudar á poboación ucraína desprazada ao municipio.

Así por unha banda a cidadanía pode ofrecer vivenda, gratuíta ou en aluguer, pero tamén o seu tempo realizando labores de tradución, axudando en clases de castelán, levando a cabo reforzo educativo, acompañamento, clasificación e organización de material, … indicando a súa dispoñibilidade horaria.

Diante do desastre humanitario que significa o éxodo masivo de cidadáns ucraínos fuxindo da guerra e a destrución provocadas pola invasión rusa do seu país, o Concello de Tui mantivo hoxe unha primeira reunión para coordinar dende a institución municipal a axuda local á poboación ucraína. 

O Concello de Tui respondendo a solicitude realizada dende a FEGMP ten posto a disposición as dez vivendas municipais que están baleiras en Caldelas. Amais dende o Concello, faise un chamamento á poboación que poida contar con vivendas baleiras para alugar que comuniquen a súa disposición. 

Catorce persoas coidadoras de familiares dependentes participan dende onte xoves no  programa “Coidándome” posto en marcha polo Concello de Tui, coa colaboración de AFAGA.

Durante doce sesións, os xoves de 10.30 a 12h, as persoas participantes recibirán información e formación sobre as diferentes patoloxías que xeran dependencia e estratexias prácticas para o coidado. Tamén recibirán orientación sobre recursos sociais e de apoio para situación de dependencia, ao tempo que se incidirá na gran importancia do autocoidado.