Facebook Twitter Vimeo Instagram Youtube

Son moi diversos os ámbitos de actuación dos Servizos Sociais, dende a prevención, ao asesoramento ou a axuda as persoas en situacións máis desfavorecidas. Piar básico da loita pola igualdade de oportunidades os Servizos Sociais de Tui, dan apoio a centos de persoas que por distintas circunstancias vitais precisan deles. Colaboran ademais con outras entidades públicas e privadas na busca sempre da mellora da calidade de vida dos cidadáns.

Obradoiros Cultiva a Mente

De outubro a xuño celebranse nos centros culturais de Areas, Caldelas, Guillarei, Pazos de Reis, Rebordáns e Ribadelouro os obradoiros "Cultiva a mente". Están promovidos polo Concello de Tui e AFAGA, a Asociación de Familiares de Enfermos de Alzheimer e outras demencias de Galicia.

As persoas participantes, preferentemente maiores de 55 anos, aprenderán técnicas de memoria, recibirán consellos saudables para o cerebro, e ao tempo fomentarase a socialización e emoción positivas.

Horario:

Concentración en repulsa do triplo asasinato en Valga hoxe martes ás 12 h

Undefined

A corporación municipal de Tui, e no seu nome o alcalde, Enrique Cabaleiro, quere amosar a súa condena ante o triplo crime cometido esta mañá en Valga, ao mesmo tempo que neste día queren estar o carón dos fillos, das familias e dos amigos de Sandra, Alba e Elena.

Este novo crime machista que deixa tanta dor e desesperación, non pode máis que servir para que a rabia que produce este triplo asasinato se converta en  forza para seguir traballando e erradicar dunha vez por todas, da nosa sociedade, a violencia contra as mulleres.

Recepción aos nenos e nenas saharauís que pasarán o verán en Tui

Undefined

Esta mañá tivo lugar na casa do concello de Tui a recepción aos tres nenos e nenas saharauís que pasarán o verán en Tui dentro do programa “Vacacións en Paz”.  O alcalde, Enrique Cabaleiro, deulles a benvida xunto ao concelleiro de Servizos Sociais, Ismael Diz, e a concelleira de Igualdade e Xuventude, Ana Mª Núñez.

Son dúas nenas, Yamila e Mariem, as que por terceiro ano pasarán o verán en sendas familias acolledoras de Tui, e as elas sumouse este ano Omar que a primeira vez que viaxa a España e pasará tamén os próximos meses na cidade.

Unha nova traballadora social e unha auxiliar administrativa incorpóranse ao departamento de Servizos Sociais

Undefined

Dúas novas traballadoras véñense de incorporar ao departamento de Servizos Sociais do Concello de Tui. O alcalde, Carlos Vázquez Padín, a concelleira de Emprego, Mila González, e a concelleira de Servizos Sociais, Estrella Muradás, deron hoxe á benvida á nova traballadora Social, Luz Mª Vázquez Macías, e á nova auxiliar administrativa, Mª Jesús Lorenzo.

Convocatoria de bolsas e aprobación das bases particulares reguladoras da convocatoria de becas de estudo para ensinanzas musicais do curso 2018-2019 no Conservatorio e Escola de Música de Tui

Convocatoria e bases reguladoras para bolsas de estudo para ensinanzas musicais do curso 2018/2019 para o Conservatorio/Escola de Musica de Tui.

Aprobadas en Xunta de Goberno Local en sesión realizada o 26 de novembro de 2018, e publicadas no Boletín Oficial da Provincia de Pontevedra nº 241, de data 17 de decembro do 2018.
 

Páxinas

Subscribirse a RSS - Servizos Sociais