Son moi diversos os ámbitos de actuación dos Servizos Sociais, dende a prevención, ao asesoramento ou a axuda as persoas en situacións máis desfavorecidas. Piar básico da loita pola igualdade de oportunidades os Servizos Sociais de Tui, dan apoio a centos de persoas que por distintas circunstancias vitais precisan deles. Colaboran ademais con outras entidades públicas e privadas na busca sempre da mellora da calidade de vida dos cidadáns.
Dúas mil persoas participando na IV San Silvestre Tudense. Este é o obxectivo do Concello de Tui e o Club Atletismo Tui, organizadores do evento, para esta proba deportiva, festiva e solidaria que se vai celebrar o próximo mércores, 31 de decembro.
O Concello de Tui, a través do Servizo de Prevención das Drogodependencias, leva a cabo unha campaña informativa con motivo do Día Mundial da loita contra a SIDA que se conmemora este luns, 1 de decembro.
O Teatro Municipal de Tui acolleu esta mañá a primeira das proxeccións deste curso do programa “O cine nas Aulas”. A través do Servizo de Prevención de Drogodependencias o Concello de Tui, oferta esta actividade aos centros educativos de Primaria e Secundaria na que empregando o cine coma ferramenta se abordan diferentes temáticas incidindo na prevención.
Vías de regularización, dúbidas legais, reagrupamento familiar, nacionalidade española por residencia, trámites administrativos... son algúns dos temas que se van abordar nas dúas sesións informativas que imparte Accem este venres 7 de novembro en Tui.
A primeira será a formación en materia de estranxeiría de 10 h a 11.30 h na aula CEMIT, no edificio Francisco Sánchez. Nesta sesión resolveranse dúbidas legais das persoas participantes, arraigamentos, reagrupamento familiar, modificacións, renovacións e competencias clave para iniciar trámites administrativos.
A organización da IV San Silvestre Solidaria Tudense reuniuse esta mañá para planificar a proba deportiva que se celebrará o mércores 31 de decembro, a partir das 10.30 horas. Agardan superar a cifra de participantes da edición pasada, na que máis de 1.900 persoas celebraron o fin de ano de xeito deportivo, festivo e solidario, sendo as doazóns a favor da Asociación Española Contra o Cancro.
Esta semana comezou unha nova temporada do taller de reforzo escolar destinado a nenos, nenas e adolescentes e as súas familias. Esta iniciativa púxose en marcha xa en cursos pasados, tras detectar dende o departamento de Servizos Sociais a necesidade crecente neste ámbito de actuación. Este taller de reforzo enmárcase no SAMM, o Servizo de Atención Municipal a Menores de Tui.
Trámite de consulta pública da ORDENANZA REGULADORA DOS CRITERIOS DE ADXUDICACIÓN, NORMAS DE FUNCIONAMENTO E UTILIZACIÓN DAS VIVENDAS SOCIAIS MUNICIPAIS DO CONCELLO DE TUI.
A unidade móbil de doazón de sangue de ADOS, Axencia de Doazón de Órganos e Sangue de Galicia, está en Tui o xoves 24 e o sábado 26 de xullo na rúa Casal Aboy a carón do centro de saúde.
O xoves 24 pódese doar de 10 a 14.15 h e de 16 a 21h , e o sábado 26 de 10 a 15 h.
Yiusef, Ahmed, Yusef e Yahida son os nenos saharauís que pasarán o verán con familias acolledoras de Tui grazas ao programa Vacacións en Paz que promove Solidariedade Galega co Pobo Saharauí.
Esta mañá foron recibidos, xunto ás súas familias, na casa do concello polo alcalde, Enrique Cabaleiro, a concelleira, Ana Mª Núñez, e os concelleiros Rafael Estévez e Ismael Diz, tras chegar esta semana a Galicia.
A ribeira de Caldelas acolleu esta semana a clausura da temporada dos programas Cultiva a Mente e Coida o Corpo postos en marcha polo Concello de Tui coa colaboración de AFAGA, a Asociación de Familiares de Persoas con Alzheimer e outras Demencias de Galicia.
Foi unha xornada festiva e de convivencia entre as persoas que ao longo do ano acoden a estas actividades de prevención en cada unha das parroquias tudenses.
