Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Bases do Desfile-Concurso de Entroido que se celebrará en Tui o luns, 12 de febreiro. A inscrición para as comparsas e grupos será o martes, 6 de febreiro, de 9 a 14h, cun límite a 20 comparsas e 5 grupos participantes.
A Sala de Audicións do Conservatorio Profesional de Música Tui acollerá o venres, 26 de xaneiro, ás 20.30h unha charla-concerto sobre preludios de Alexander Scriabin a cargo de Daniel Pereira. Os asistentes poderán escoitar unha selección de preludios do compositor ruso, algúns deles comentados dende o punto de vista pedagógico
A entrada será de balde ata completar as localidades dispoñibles.
Tui mantén a súa aposta por unha programación estable, de calidade, profesional, atractiva… que ten convertido á cidade nun lugar de referencia cultural a nivel galego e do norte de Portugal. Esta mañá deuse a coñecer a oferta que o público poderá disfrutar no Teatro Municipal nos meses de febreiro e marzo, xunto a outros eventos que até maio se van celebrar no municipio.
A axenda Corredoira Cultural recolle con carácter semestral a programación cultural que se desenvolve en Tui. Esta é a correspondente ao primeiro semestre de 2018.
Mañá venres, 26 de xaneiro, ás 11h no vestíbulo da Área Panorámica de Tui será presentada a programación cultural que se vai desenvolver na cidade entre os meses de febreiro e maio e que vén recollida na 35ª edición da axenda “Corredoira Cultural”.
O Teatro Municipal de Tui acollerá este venres, 26 de xaneiro, ás 20.30h unha gala homenaxe ao mestre Antón Corral, figura clave da música tradicional galega, organizada polo Concello. Este evento foi presentado esta mañá, na casa do concello, por parte do alcalde de Tui, Carlos Vázquez Padín, o fillo de Antón Corral, Suso Corral, e a autora da biografía de Antón Corral, Fina Fernández.
Tui celebra do sábado, 31 de marzo, ao luns, 9 de abril, as súas festas patronais na honra a San Telmo. Festexos declarados de Interese turístico galego. O pregoeiro das festas é o mestre Antón Corral.
Consultar Programación das Festas de San Telmo
A nosa cultura tradicional, representada polos bailes e músicas que levan a cabo os grupos folclóricos tudenses, ten un lugar destacado na programación festiva de San Telmo. Participan os grupos
“A miña relación con Galicia e a miña opción pola súa lingua é simplemente unha historia de amor", así o declaraba María Victoria Moreno, a autora a quen se lle dedica este 2018 o Día das Letras Galegas. As súas obras dende “Anagnórise” a “Diario da luz e a sombra” terán espazo destacado nos postos que as librarías tudenses Iris e Espazo Lector Nóbel presentarán no día das nosas letras.
Programa previsto
Hai 14 anos que en Tui se abriu unha ventá pola que nos asomamos a historias chegadas dende os lugares máis lonxanos ou da propia Galicia. Esa primeira fiestra marcou unha liña a seguir que en catorce edicións ten convertido a Play-Doc en referente a nivel internacional no mundo do documental, e nunha cita imprescindible para os amantes do cine pero tamén para o público en xeral.
