Mañá xoves, 15 de setembro, ás 12 horas, no Centro Municipal de Piragüismo “Quique Míguez” de Tui, na rúa Olímpicos Tudenses, terá lugar o acto de presentación do LI Descenso Internacional do Miño, organizado polo Club Kayak Tudense, en colaboración co Concello de Tui, a Secretaría Xeral para o Deporte da Xunta de Galicia, a Deputación de Pontevedra, a Real Federación Española de Piragüismo, a Federación Galega de Piragüismo, a Comandancia Naval do Miño e ao Concello de Salvaterra do Miño.

Para chegar a toda a cidadanía posible o alcalde de Tui, Enrique Cabaleiro, presentou o Plan de Acción da Axenda Urbana de Tui nun especial radiofónico aberto ao público.

Tui consolídase coma o segundo lugar de inicio do Camiño de Santiago, do mesmo xeito que o Camiño Portugués ocupa o segundo lugar nas rutas xacobeas elixidas polos peregrinos e peregrinas durante o mes de agosto.

Para chegar a toda a cidadanía posible o alcalde de Tui, Enrique Cabaleiro, presentará a Axenda Urbana de Tui nun especial radiofónico aberto ao público. O encontro será este venres día 9 ás 12 horas na Sala de Exposicións do edificio Francisco Sánchez, antiga Área Panorámica.

Este venres, 2 de setembro, ás 9 h a corporación municipal de Tui celebra sesión de pleno de carácter extraordinario con tres puntos na orde do día. 

1º.- Expediente 1205/2022. Ditame da Comisión Informativa de Urbanismo, Obras, Contratación e Servizos municipais, de data 29/08/2022, favorable á proposta da Alcaldía en funcións, de data 23/08/2022, de aprobación do documento do “Plan de Acción Local de la Agenda Urbana de Tui” no marco da axuda concedida para a “Elaboración de Proyectos Piloto de Planes de Acción

Actuar nunha superficie de 2.557 m2 no centro do núcleo da parroquia de Baldráns, ao pé da estrada provincial PO-404, para obter 1.490 m2 para as persoas é o obxectivo do proxecto de acondicionamento da contorna da igrexa de Santiago  de Baldráns, así o traslada o alcalde Enrique Cabaleiro salientando que a suma dos distintos proxectos presentados á rede ÁGORA, da Deputación de Pontevedra, gañarán un total de 7.023 metros cadrados para as persoas despois de actuar en máis de 13.307 m^2..

A cidade de Tui súmase, un ano mais, á celebración das Xornadas Europeas da Cultura Xudía cun amplo programa de actividades que abrangue dende o xoves 1 de setembro ata o domingo 11 de setembro. Unha renovada oferta de actividades para difundir e valorizar o amplo patrimonio cultural tudense ligado á presenza da comunidade xudía e logo sefardí neste territorio de fronteira.

O Concello de Tui pon en valor das igrexas parroquiais coa instalación de sinalización turística nos templos de Santa Mariña en Areas, Santiago de Malvas, Nosa Señora da Guía en Randufe, O Anxo en Pazos de Reis, Santa Comba en Ribadelouro, San Mamede en Guillarei, San Xoán en Paramos, Santiago en Baldráns e San Martiño en Caldelas. Tamén se procedeu a sinalizar outros elemento patrimonial destacado coma é a Ponte do Mosteiro en Pexegueiro.

O goberno de Tui informa que vén de solicitar á Rede ÁGORA da Deputación de Pontevedra o seu respaldo para a execución do proxecto de acondicionamento da contorna da capela do Anxo, en Pazos de Reis. O proxecto establecerá claramente a prioridade peonil ao tempo que completará a posta en valor dun espazo que xa o ten no centro do ámbito pero non no perímetro, mellorando a calidade xeral, tanto dende o punto de vista arquitectónico como ambiental.