O alumnado do Obradoiro dual de Emprego “Revaloriza Tui ” vén de rematar a restauración do Lavadoiro do  Souto en Guillarei.  Foi un traballo conxunto realizado polos alumnos a alumnas das dúas especialidades deste proxecto formativo Colocación de Pedra Natural e Montaxe e Instalación de Construcións de Madeira.

En marzo completaran xa a restauración do lavadoiro de Laxes en Randufe.  Agora tras concluír estes dous primeiros traballos o alumnado avanza na restauración do Lavadoiro de  Fontenla en Areas e da fonte de Albelos en Guillarei.

Está aberto o prazo de inscrición en máis de 200 cursos na Aula Mentor de Tui. Trátase de formación en liña en moi diversos ámbitos. A Aula Mentor ofrece unha alternativa en materia de formación á poboación maior de 18 anos que non pode asistir á oferta formativa presencial, brindando un sistema totalmente flexible non suxeito nin a horarios nin a prazos, de tal xeito que se adapta a disponibilidade horaria que teña o alumnado. A oferta de cursos tamén inclúe formación gratuíta que se convoca ao longo do ano.

O Concello de Tui, ten aberto proceso de seleción para o nomeamento interino de dúas prazas de operarios de servizos diversos e mantemento a tempo parcial , e un operario de mantemento a tempo completo para a apertura da piscina tempada 2022 e formación de lista de reserva. 

O prazo de presentación de instancias é de 5 días hábiles, prazo que remata o vindeiro luns día 13/06/2022.

Para mais información prema aquí