Este venres, 11 de agosto, temos unha nova cita co cinema ao aire libre coa proxección da película de animación “Encanto”. A proxección será as 22.15 h no Paseo Fluvial de Tui dentro da programación “Tui, verán na rúa”.

A película “Encanto”, dirixida por Byron Howard e Jared Bush, conta a historia da familia Madrigal, que viven nunha máxica casa nun lugar chamado Encanto. Todos os membros da familia teñen poderes excepto Mirabel, que cando descubre que a maxia que rodea Encanto está en perigo será a última experanza para salvar á súa excepcional familia. 

A música en directo será a protagonista deste venres e do próximo luns en Tui coa celebración do programa ‘Sons da rúa’. Esta actividade estaba prevista para o mes de xullo pero tivo que ser aprazada daquela debido á previsión de choiva.

“Coñece o noso patrimonio rural: Os Muíños do Tripes” é o título da visita guiada que o próximo venres, 11 de agosto, ás 10 h terá lugar á case unha trintena de muíños situados na senda do río Tripes. A actividade está organizada pola Asociación Cultural Muiñeiros do Río Tripes en colaboración co Concello de Tui.

A participación nesta actividade é gratuíta pero é preciso inscrición previa en turismo@tui.gal.

A próxima semana proseguen as visitas do programa “Coñece o noso patrimonio” organizadas polo Instituto de Estudios Tudenses coa colaboración da concellería de Patrimonio e Turismo do Concello de Tui.

O obxectivo desta actividade é  realizar un achegamento a diversos espazos patrimoniais da man persoas especialista en distintas ámbitos e pertencentes ao Instituto de Estudos Tudenses.

A feira das industrias musicais galega e portuguesa avanza o timeline da súa próxima edición e desvela cales son as bandas escollidas dentro do acordo de colaboración que se inicia este ano coa Fira Mediterrània de Manresa, o mercado de referencia para as músicas que utilizan a raíz, a tradición e a cultura popular como motor creativo.

O cinema é protagonista esta semana na programación “Tui, verán na rúa”. Será este venres ás 22.15 h no Paseo Fluvial coa proxección da película de animación “La canción del mar”.

Deste xeito este espazo a carón do río Miño converterase nunha gran sala de cinema ao aire libre coa proxección da película "La Canción del Mar" dirixida por Tomm Moore.

Música, cinema e gastronomía centran a programación de “Tui, verán na rúa” durante o mes de agosto.

Así a programación de agosto ábrese co festival Música no Claustro, dirixido por Samuel Diz, que se celebra dende mañá martes e até o luns día 7 co lema de “Concéntricas”.

Debido á previsión de choiva para mañá venres aprázanse os dous eventos previstos dentro da programación “Tui, verán na rúa”.

Así a proxección de “La Canción del Mar” no cinema ao aire libre no Paseo Fluvial aprázase para o próximo venres 4 de agosto.

Por outra parte os dous concerto a cargo de Acevedos Delgados e Pacheco Bros que ían ter lugar no Paseo da Corredoira e na praza do Concello dentro do ciclo “Sons na rúa”, quedan suspendidos. Informarase nos próximos días das novas datas nos que terán lugar.

O folclore de Tahití, Serbia e África do Sur protagonizará o próximo martes, 25 de xullo, ás 21.30 h a Noite Internacional do Miño. Este evento organizado pola Escola de Música e Baile San Fins de Rebordáns conta coa colaboración do concello de Tui e forma parte da programación de “Tui, Verán na rúa”.

O Parque do Laxal en Rebordáns  encherase de luz, cor e diferentes ritmos da man dos grupos Hei Show Tamure de Tahití, Akademsko Drustvo Novi Beograd de Serbia e African Zebra Kings de África do Sur.