Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
actividade da campaña “Toponimízate. Falámosche dos nomes da túa terra”. ‘É unha iniciativa de divulgación da toponimia galega, coordinada pola RAG, Real Academia Galega, en colaboración coa Xunta de Galicia, o Concello de Tui e a Asociación Cultural Xuntanza de Randufe. Correrá a cargo de Vicente Feijoo, coordinador técnico de Galicia Nomeada e especialista en toponimia do Seminario de Onomástica da RAG.
Mañá martes, 24 de outubro, celébrase o “Día da Biblioteca” e na Biblioteca Municipal tudense haberá, ás 17.30 h, unha sesión de contacontos dirixido aos seus usuarios máis cativos, entre 0 e 3 anos de idade. Estará a cargo de Charo Pita co espectáculo “Porco porquiño, ensíname o camiño”. Tamén ao longo da xornada os usuarios da biblioteca serán agasallados con libros, que poderán escoller, procedentes de duplicados, expurgos e doazón da biblioteca.
O Teatro Municipal de Tui acolle este venres, 20 de outubro, ás 21.30 h a representación de “Unha inimiga do pobo” da man de Talía Teatro dentro da programación de outono.
O próximo martes, 17 de outubro, ás 17.30 h continúan as actividades de “Outubro mes da Biblioteca” cunha nova actividade de animación dirixida a rapazas e rapaces de 3 a 6 anos de idade.
Nesta ocasión estará na Biblioteca Pública Municipal de Tui Tania Justo co seu espectáculo “Cantacontos Kairos” que pretende fomentar a iniciación á lectura dos máis pequenos mediante diferentes historias e melodías buscando a implicación e participación dos nenos e nenas asistentes. É un contido adaptado para todos tipo de rapaces e rapazas e as súas familias.
A Biblioteca Municipal de Tui súmase á conmemoración do “Día das escritoras” celebrando unha mesa redonda arredor da figura da escritora tudense “María Tydeska” sobrenome de María Gloria Pereira García. Será o vindeiro luns, 16 de outubro, ás 20 h horas na propia Biblioteca no Edificio “Francisco Sánchez” de Tui.
Nesta mesa redonda participarán dous fillos da escritora tudense, Paz e Guillermo Arean Pereira, xunto co responsable da biblioteca municipal, Rafael Sánchez Bargiela, estando moderada pola concelleira de Cultura, Sonsoles Vicente Solla.
Un espectáculo de maxia para público familiar é o que chega este venres, 13 de outubro, ás 19.30 h, ao Teatro Municipal de Tui. Será “Degustación de Imposibles” con Joshua Kenneth.
Este sábado, 14 de outubro, terá lugar a presentación do último libro do tudense Manuel Vázquez de la Cruz titulado “Ribadelouro; terra e auga é vida” recentemente editado e que recolle as numerosas vivencias e experiencias acumuladas polo autor centradas arredor da súa parroquia de Ribadelouro. Este acto comezará ás 12.30 h na Sala Félix Rodríguez González no Edificio “Francisco Sánchez”.
Mañá martes, 10 de outubro, continua o programa de actividades “Outubro, mes da Biblioteca” cunha nova cita, neste caso é un Obradoiro titulado “Robótica educativa. Creatividade inspiradora” a cargo de “A Nube de Artear”. Será nunha actividade que procura a achega dos máis novos e novas ás tecnoloxías do futuro, ademais de aprender fundamentos básicos e coñecer o fondo científico-técnico dispoñible, os rapaces/as e adolescentes aprenderán os fundamentos da robótica fabricando o seu propio robot.
O venres, 6 de outubro, ás 18 h no Paseo da Corredoira o Conservatorio e a Escola de Música de Tui ofrecerán o concerto inaugural do curso 2023/24.
Alumnado e profesorado do centro interpretará distintas composicións ao piano, saxofón, clarinete, gaita… Actuará tamén un ensemble.
A Compañía Humana será este venres a encargada de abrir a programación de outono no Teatro Municipal. Ás 21.30 h terá lugar a representación de “Iphixenia na porta do súper”. O texto, premiado como mellor texto do 2015 nos UK Theatre Awards for Best New Play, chega por vez primeira a Galicia e en galego.
A obra está interpretada por Alba Caneda e dirixida por Sara Rey. Conta cunha duración de 75 minutos e vai dirixida a público a partir de 12 anos.
