Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O Teatro Municipal de Tui estrea este venres a súa programación de outono. Faino da man da compañía vasca Teatro Paraíso co espectáculo “Entrecajas”, polo que recibiron o Premio FETEN 2024 ao mellor espectáculo de clown. A cita será este venres ás 19 h. As entradas están á venda en tui.gal até dez minutos antes do inicio aos prezos de 5€ e 3,5€.
Teatro Paraíso celebra os seus 45 anos nos escenarios cun espectáculo no que convidan a soñar e a xogar. Dous amigos viven nunhas caixas dende as que realizan ensoñadoras viaxes . Unha historia de amizade e imaxinación.
O próximo venres 4 de outubro comeza unha nova temporada de programación no Teatro Municipal de Tui na que dende o Concello de Tui se continúa a apostar por unha oferta cultural de calidade, variada e para todos os públicos. Nesta ocasión o teatro e a música centran a oferta de seis espectáculos, dos que tres van dirixidos a público familiar, e tres a público adulto.
Paula Pier será a encargada de pechar a programación de outono no Teatro Municipal de Tui o venres, 15 de novembro, ás 21 h con “Eu, fraude”.
Eu, Fraude! é un espectáculo que celebra a forza de aferrarse á vida e gritar ao mundo coa nosa verdadeira voz. A través da recitación, a danza, o relato e o canto a obra rende unha unha homenaxe á vida, cun repertorio de cancións e textos de creación propia que son a guía dunha viaxe emocional.
É unha celebración do amor propio... en forma de festa!
O venres, 8 de novembro, ás 19 h no Teatro Municipal Elefante Elegante presenta “Kyoki”.
O Centro Dramático Galego, CDG, presentará en Tui o seu último espectáculo “Terceiro acto”. A cita será o xoves, 31 de outubro, ás 21 h no Teatro Municipal.
A compañía Catro Cores presentará o venres, 18 de outubro, ás 19 h no Teatro Municipal de Tui “A trompa non só é cousa de elefantes”.
Butacazero presentará o venres, 11 de outubro, ás 21 h “Iribarne” no Teatro Municipal de Tui.
O venres, 4 de outubro, ás 19 h Teatro Paraíso presenta no Teatro Municipal de Tui “Entrecajas”. A obra recibiu o Premio FETEN 2024 ao mellor espectáculo de clown
Mañá venres, ás 11 h na casa do concello presentarase a programación de outono que se vai desenvolver no Teatro Municipal.
A presentación correrá a cargo do alcalde de Tui, Enrique Cabaleiro, da concelleira de Cultura e Ensino, Sonsoles Vicente, xunto a Xurxo Cortázar, Anxo Outumuro e Esther F. Carrodeguas, elenco da obra de Butaca Zero, que formará parte desta programación.
