O Concello de Tui presentou esta mañá a nova APP Municipal coa que cumpre dous obxectivos: achegar unha ferramenta de información da actualidade municipal á veciñanza e ao tempo pór ao seu dispor un mecanismo para, de xeito doado, trasladar suxestións, incidencias…  Así o destacaba este mediodía o alcalde, Enrique Cabaleiro, que presentou a nova APP xunto ao concelleiro de Novas Tecnoloxías Laureano Alonso.

A APP Concello de Tui está xa dispoñible, tanto para móbiles IOS como Android, de forma gratuíta.

Mañá venres, 8 de novembro, ás 12.30 h na aula CEMIT, no primeiro andar da Área Panorámica terá lugar a presentación da APP Municipal.

Comparecerán ante os medios de comunicación o alcalde, Enrique Cabaleiro, e o concelleiro de Novas Tecnoloxías, Laureano Alonso.

Dende este xoves, 7 de novembro, a  rúa Ourense, no tramo comprendido entre as rúas Compostela e Colón, deixara de pecharse ao tráfico debido á celebración do Mercado Semanal na cidade.  Deste xeito búscase facilitar o tránsito polo centro urbano así coma o acceso ao aparcamento municipal na traseira da Área Panorámica, tras a apertura nos últimos meses da rúa Ourense cara a rúa Colón/Augusto González Besada/Martínez Padín. 

A redacción dun proxecto para a rehabilitación do Teatro Principal  e outro para a adecuación do edificio de Cam-Fran na Avenida da Concordia para convertelo na sede nos Servizos Sociais Municipais e dun Centro de Día, son dúas das actuacións para as que se vén de habilitar crédito no Concello de Tui. O mércores en pleno aprobáronse sendos expedientes de modificación de créditos, con cargo ao remanente líquido de tesourería, para poder acometer de xeito inmediato tanto a redacción de proxectos coma a execución de obras cun importe que suma 216.466,04 €.

O próximo luns comezan unha serie de reunións nas parroquias tudenses para tratar as necesidades de cada unha delas cos propios veciños.  As persoas que asistan poderán formular as súas preguntas tanto ao alcalde coma aos concelleiros do equipo de goberno.  Así o informa o alcalde, Enrique Cabaleiro, nos bandos nos que da conta das catro primeiras reunións.

Este mediodía tivo lugar no salón de actos da Aula da UNED, no antigo convento de San Domingos, a Clausura do  I Programa Integrado de Emprego do Concello de Tui “Tui Emprégate 2018-19”que se celebrou dende outubro do ano pasado. 

O acto contou coa presenza do alcalde de Tui, Enrique Cabaleiro, e da concelleira de Formación e Emprego, Ana Mª Núñez. 

Un modelo de cidade no que os peóns as bicicletas teñan prioridade é o que recolle o Plan de Mobilidade Sustentable do Concello de Tui que foi presentado este mediodía. O documento, elaborado pola empresa EPTISA recolle medidas a curto, medio e longo prazo nun horizonte temporal de dez anos, e cun investimento estimado de 16 millóns de euros. Para poder facer fronte a este investimento o Concello de Tui buscará distintas vías de financiamento a través dos distintos organismos e entidades que contan con liñas de subvencións para as accións previstas. 

O Concello de Tui acolle este domingo o evento que pecha o programa “Música e viño no teu camiño” promovido por Eu Rural e financiado por O teu xacobeo.  A presentación desta actividade tivo lugar este mediodía na casa do concello de Tui a cargo de Enrique Cabaleiro, alcalde de Tui, Sandra González, a presidenta de Eu Rural e alcaldesa de Tomiño, Sonsoles Vicente, concelleira de Cultura de Tui, e Ángel Sánchez, de Best Boy.

Mañá venres, 25 de outubro, ás 12.45 h na sala de reunións da casa do concello de Tui terá lugar a presentación do derradeiro evento do proxecto Música e Viño no Teu Camiño promovido por Eu Rural que este domingo se vai celebrar en Tui.

Mañá venres, 25 de outubro, ás 12 h na sala de reunións da casa do concello de Tui terá lugar a presentación do Plan de Mobilidade Sustentable do Concello de Tui.

Comparecerán ante os medios de comunicación o alcalde de Tui, Enrique Cabaleiro, o concelleiro de Seguridade, José Ramón Magán, e o responsable do Departamento de Mobilidade de Eptisa empresa redactora do PMUS, Javier Vázquez.