Nos próximos días iniciaranse as obras de acondicionamento da área recreativa na sede do Colexio Rural Agrupado Mestra Clara Torres, nas Bornetas. Os traballos, financiados con fondos do Plan Concellos 2019 da Deputación de Pontevedra, tiñan un prezo inicial de licitación de 107.105,11 euros e adxudicáronse nun procedemento en aberto á empresa Sodein Solucións Integrais por un importe de 87.271,55, cun prazo máximo de execución de 2 meses.

“Somos e seremos as loitadoras” é o lema co que este ano o Concello de Tui vai celebrar o 8M, Día Internacional da Muller. O obxectivo é visibilizar e lembrar a algunhas das mulleres que ao longo da historia acadaron os dereitos dos que hoxe gozan, pero tamén a reivindicación que as mulleres seguen a realizar en prol da igualdade real.

. A próxima semana volve a programación ao Teatro Municipal de Tui con seis espectáculos que terán lugar entre o 4 e os 24 de marzo. O Concello de Tui retoma así a súa actividade cultural nunha aposta pola cultura segura cun estrito protocolo anticovid, e un aforo limitado ao 25%.

A presentación tivo lugar esta mañá a cargo do alcalde de Tui, Enrique Cabaleiro, a concelleira de Cultura, Sonsoles Vicente, xunto a Elisa Alfaya e Ian Hamilton de 2 Mind Combined, e Laura Villaverde de Artesa Cía.

Mañá venres, 26 de xaneiro, ás 11 h terá lugar no salón de sesión da casa do concello de Tui a presentación da programación cultural de inverno a celebrar no Teatro Municipal entre o 4 e o 24 de marzo.

Comparecerán ante os medios de comunicación o alcalde, Enrique Cabaleiro, a concelleira de Cultura, Sonsoles Vicente, xunto a Elisa Alfaya e Ian Hamilton de 2 Mind Combined, e Laura Villaverde e Roi Fernández de Artesa Cía. que abrirán e pecharán, respectivamente, esta programación.

Veñen de rematar as obras da primeira fase da humanización da rúa Colón que se executaron nos últimos meses. Supuxeron un investimento de 314.000 euros, financiados con cargo ao Plan Concellos 2018 da Deputación de Pontevedra. 

A casa do concello de Tui ilumínase de verde dende esta pasada noite e até o domingo con motivo do Día Mundial contra o cancro. Deste xeito búscase visibilizar esta enfermidade.

Na maña de hoxe, 28 de xaneiro, o alcalde de Tui, Enrique Cabaleiro, mantivo un encontro coa directora de Turismo de Galicia, Nava Castro, para presentarlle o proxecto de intervención no edificio municipal do “Cárcere Vello” coa finalidade de convertelo nun centro de acollida a visitantes e peregrinos e que contribúa á posta en valor da nosa cidade e dos seus recursos patrimoniais e turísticos.

O Concello de Tui informa que ante a actual situación epidemiolóxica e o incremento na intensidade das restricións establecidas pola Xunta de Galicia para toda a comunidade autónoma coa finalidade de conter as cifras inéditas que estamos a vivir, durante as próximas tres semanas – até o próximo 17 de febreiro- suspenderá o mercadillo semanal dos xoves como medida para poñer freo a transmisión do coronavirus reducindo ao mínimo imprescindible a interacción social e a mobilidade.

A corporación municipal de Tui celebrará sesión nº 1/2021 de pleno ordinario o xoves, 28 de xaneiro de 2021, ás 20 h. Será a porta pechada para o público dada a actual situación sanitaria, e poderá seguirse en directo a través da Radio Municpial de Tui. 

A orde do día é a seguinte:

A) Parte resolutiva:

1º.- Aprobación, se procede, de borrador da acta de sesión anterior nº 11/2020, do 29 de decembro.

Mañá domingo, 17 de xaneiro, celébrase o Día Mundial da Enfermidade de Perthes. Con este motivo e para visibilizar esta enfermidade rara a casa do concello de Tui vaise iluminar de verde, respondendo así a solicitude realizada dende a Asociación de Familias con Perthes, ASFAPE.