“Poder movernos sen ter que depender de que as nosas familias nos poidan desprazar no coche”, esta é unha das principais demandas da mocidade dos institutos de ensinanza secundaria de Tui. O equipo da Axenda Urbana reuníuse no día co alumnado do IES Indalecio Pérez Tizón e co do IES San Paio de Tui. Todos e todas elas coincidiron na necesidade de desprazarse ás súas actividades de xeito independente.

O proceso participativo da Axenda Urbana de Tui chega aos centros educativos públicos para reunirse co alumnado e escoitar de primeira man as súas inquedanzas e propostas. O primeiro centro en recibir ao equipo da Axenda Urbana de Tui foi o CEIP Nº2.

O alcalde de Tui, Enrique Cabaleiro, informa que, como parte do proceso participativo da redacción da Axenda Urbana, xa está dispoñible na páxina web do Concello e na páxina web da Axenda Urbana unha enquisa  en liña na que a cidadanía poderá achegar a súa visión sobre a cidade.

O río Miño ao seu paso por Tui acolle esta fin de semana primeira das tres probas do Campionato de España de Embarcacións T850 e GT60. Participarán pilotos galegos, entre eles o vigués Keko Pereira, cataláns, andaluces e o inglés Cristian Burguess. As outras dúas probas celebraranse en Tarragona e Jeréz de la Frontera.

Mañá xoves, 16 de xuño, ás 12.00 horas, na Comandancia Naval do Miño, terá lugar a presentación do Campionato de España de Embarcacións T850 e GT60, organizado pola Real Federación Galega de Motonáutica, en colaboración co Concello de Tui e a Comandancia Naval do Miño. Celebrarase este sábado 18 de xuño, nas augas do río Miño.

Este xoves 16 e este venres 17 de xuño máis de 120 alumnos e alumnas de 6º de Primaria e unha trintena de profesores e profesoras de seis centros educativos de Tui van participar na Aloiada 2022, un proxecto de actividades na natureza que tras dous anos de ausencia debido á pandemia volve celebrarse esta semana.

Mañá martes, 14 de xuño, ás 11.00 horas, no salón de plenos da casa do concello de Tui, terá lugar a presentación da Aloiada 2022, proxecto organizado polos colexios de Educación Primaria e Infantil de Tui (CEIPs), en colaboración co Concello de Tui. No mesmo máis de 120 alumnos e alumnas de 6º de Primaria  participarán en diversas actividades no medio natural, tanto no Monte Galiñeiro, coma no Monte Aloia e no río Miño.

O alcalde de Tui, Enrique Cabaleiro, reuniuse co arquitecto César Portela e coa arquitecta Ana Couto para impulsar o proxecto de recuperación do Teatro Principal. O equipo de César Portela actualizou o anteproxecto existente que opta ás axudas directas do PIREP (Programa de Impulso á Rehabilitación de Edificios Públicos).

Mañá xoves, 9 de xuño, coincidindo coa celebración do Día Internacional dos Arquivos, o Concello de Tui entregará á Catedral tudense unha reprodución facsímile do diploma concedido polo rei Fernando II á sede tudense no ano 1170. O acto terá lugar ás 11.30 h no Salón de Plenos da Casa do Concello coa asistencia do alcalde, Enrique Cabaleiro, e do deán do Cabido da Catedral, José Diéguez Dieppa.

O número de visitantes rexistrados na Oficina Municipal de Turismo durante o mes de maio foi 2.713, dos que 1.209 foron peregrinos (607 de procedencia internacional e 602 nacionais) e 1.504 turistas (1.216 nacionais e 288 de procedencia internacional). En total, o número foi algo inferior ao mes de abril, mes de Semana Santa no que hai un maior número de visitas.