“Robin Hood o Musical” este venres no Teatro Municipal

Robin Hood o Musical” este venres no Teatro Municipal

A cidade acolle unha das dez representacións que haberá en Galicia

Mércores, 7 de maio de 2008. Os nenos de 4 a 14 anos son os destinarios do espectáculo que este venres, ás 20h, no Teatro Municipal presenta en Tui Producións Acontrabutaca. Trátase de “Robin Hood o musical”. Este espectáculo forma parte da programación que organiza a Concellería de Cultura de Tui.

Xosé Lueiro é o responsable da dirección e a música da obra, na que a escenografía foi realizada por Paco Oti. Dan vida aos persoaxes Nuria Sanz, Patricia Vázquez, Rocío González, Ana Puente e Fran Ameixeiras. Ao longo dunha hora achéganos este musical que narra a historia de Robin Hood acompañado de Little John e Trasno. Tras regresar das cruzadas Robin Hood atópase na vila de Nottingham coa explotación que está a facer dos veciños o príncipe Xoan en ausencia do seu irmán Ricardo. A aparición de Robin Hood cambiará o curso da historia.

Acontrabutaca Producións nace no ano 2007 co gallo de normalizar e complementar a oferta teatral existente na actualidade en Galicia dirixindo as súas propostas escénicas ao gran público.

As entradas para este espectáculo poranse á venda o propio venres, na billeteira do Teatro, a partir das 16.30h ao prezo de 3,5€, 2,5€ con desconto e 2€ para os menores de 12 anos.

Producións Acontrabutaca con “Robin Hood o musical”

Data: Venres 9 de maio ás 20h

Lugar: Teatro Municipal de Tui

Prezos: 3,5€ - 2,5€ con desconto – 2€ os menores de 12 anos

Recomendada: De 4 a 14 anos

Duración: 60 minutos