Mañá mércores preséntase o V Encontro de Viños da Raia

Mañá mércores, 25 de marzo, ás 13 h, na praza da Inmaculada terá lugar a presentación do V Encontro de Viños da Raia que se vai celebrar dentro da programación das festas de San Telmo o sábado 4 e o domingo 5 de abril.

Participarán na presentación o alcalde, Enrique Cabaleiro, a concelleira de Turismo, Ana Núñez, e os produtores e produtoras que cos seus viños e espumosos acudirán a este evento.