Facebook Twitter Vimeo Instagram Youtube

Maña conferencia da escritora e periodista Angeles Caso, que abre os actos do XV aniversario da Radio Municipal de Tui

3/06/2008

Ángeles Caso imparte unha conferencia en Tui sobre “Las Olvidadas. Una historia de mujeres creadoras”

Este acto abre a programación do XV aniversario da Radio Municipal de Tui

Martes, 3 de xuño de 2008. O Teatro Municipal de Tui acolle mañá mércores, ás 20.30h, unha conferencia a cargo da xornalista Ángeles Caso titulada “Las olvidadas. Una historia de mujeres creadoras”. Esta acto abre o programa de actividades de celebración do XV Aniversario da Radio Municipal de Tui. A conferencia chega a Tui no marco do ciclo “Periodismo siglo XXI” grazas a colaboración entre Caixanova e o Concello de Tui.

Ángeles Caso fixo xornalismo escrito, radiofónico e televisivo, presentando os informativos da TVE. Traballou posteriormente en institucións coma a Fundación Príncipe de Asturias. Realiza tamén unha inxente produción literaria sendo finalista en 1994 do Premio Planeta con “El peso de las sombras” e en 2000 gañou o premio Fernando Lara de novela con “Un largo silencio”.

Na conferencia que ofrecerá o mércores en Tui abordará a vida dun grupo de mulleres que escaparon ás normas e trataron de desenvolver a intelixencia e o talento. Mulleres creadoras e sabias, escritoras, artistas ou compositoras, coma Hildegarda de Bingen, conselleira de papas e emperadores, Cristina de Pisan, cronista da historia de Francia, Beatriz Galindo, preceptora de latín de Isabel a Católica, Sofonisba Anguissola, retratista na corte de Felipe II ou María de Zayas, novelista de éxito no Século de Ouro, entre outras. Pero a historia borrounas dos seus índices postergándoas de novo no silencio do que elas tentaran fuxir.

A entrada será libre até completar o aforamento.

Conferencia de Ángeles Caso

Data e hora: Mércores 4 de xuño ás 20.30h

Lugar: Teatro Municipal de Tui, rúa Colón nº2

Entrada: Libre até completar o aforamento